قارجى جانە تولەمدەر
«208 مىڭ تەڭگەدەن». قانشا قازاقستاندىق ارناۋلى الەۋمەتتىك تولەم العانى ايتىلدى
فوتو: egemen.kz
ەڭبەك جانە حالىقتى الەۋمەتتىك قورعاۋ مينيسترلىگى زياندى ەڭبەك جاعدايىندا جۇمىس ىستەگەنى ءۇشىن قانشا قازاقستاندىق ارناۋلى الەۋمەتتىك تولەم العانىن ايتتى, — دەپ حابارلايدى Tengritravel.kz تىلشىسى.
بجزق دەرەكتەرى بويىنشا, ارناۋلى الەۋمەتتىك تولەمدى تاعايىنداۋ ءۇشىن مىندەتتى شارتتاردى ەسكەرە وتىرىپ, وعان 2024 جىلى 37 مىڭنان استام جۇمىسكەر ۇمىتكەر بولا الادى, جالپى تولەمنىڭ ورتاشا مولشەرى 208 مىڭ تەڭگەدەن اسادى. ءاربىر جۇمىسكەر ءۇشىن تولەم مولشەرى بجزق-داعى جيناقتارىنا بايلانىستى بولادى.
«جىلدىڭ باسىنان بەرى 8 476 ازاماتقا زياندى ەڭبەك جاعدايلارىندا ۇزاق ۋاقىت جۇمىس ىستەگەن ادامدارعا بەرىلەتىن ارناۋلى الەۋمەتتىك تولەم ء(اات) تاعايىندالدى. اتالعان تولەمدى تاعايىنداۋعا بارلىعى 9 255 ادام ءوتىنىش بىلدىرگەن», — دەلىنگەن حابارلامادا.
ەكى كوزدەن تولەنەتىن ارناۋلى الەۋمەتتىك تولەمگە (رەسپۋبليكالىق بيۋدجەت جانە بىرىڭعاي جيناقتاۋشى زەينەتاقى قورى) 2 840 ادام جۇگىنگەن, ونىڭ ىشىندە 2 730 ادامعا تاعايىندالعان.
ءتورت قارجىلاندىرۋ كوزىنەن بەرىلەتىن ءاات (رەسپۋبليكالىق بيۋدجەت, بىرىڭعاي جيناقتاۋشى زەينەتاقى قورى, جۇمىس بەرۋشى جانە ءومىردى ساقتاندىرۋ ۇيىمى) تاعايىنداۋعا 6 415 ادام ءوتىنىش ءبىلدىرىپ, ونىڭ 5 746-سىنا تاعايىندالعان.
مىندەتتى شارتتاردى ورىنداماعاندىقتان, 342 ءوتىنىش بەرۋشىگە ءاات تاعايىنداۋدان باس تارتىلعانى ايتىلدى.
