21 mamyr – Mádenıet jáne óner qyzmetkerleri kúni

Bul mereke – ult rýhanııatynyń órkendeýine, mádenı murany saqtaý men nasıhattaýǵa ólsheýsiz úles qosyp kele jatqan mádenıet jáne óner salasy qyzmetkerlerine qurmet kórsetý kúni, dep jazdy qandastar.kz

Sol sebepti materıaldyq ıgilikterden bólek, jandy nárlendirip, ómirdi úılesimdilik pen maǵynaǵa toltyratyn rýhanı qundylyqtar bar ekenin árqashan este ustaǵan jón.

Mádenıet — eń aldymen jádigerlik. Ony urpaqtan urpaqqa jetkizýshi — zııaly qaýym. Sebebi ár halyqtyń dúnıetanymy, rýhanı baılyǵy, tynys — tirshiligi, salt — dástúrleri dál osy mádenıet degen asyl uǵymmen astasyp jatyr. Qaı eldiń mádenıeti myqty damysa, ol eldiń eńsesi de bıik, rýhy da joǵary bolady. Sonymen qatar, mádenıet — adamzat tulǵasy deńgeıine kóteretin negizgi qural. Mádenıettiń ózekti bóligi — óner. Shynynda da óner mádenıettiń altyn qazynasy, adamnyń ulylyǵyn bildiretin ǵajap kórinisterdiń biri. Mádenıet pen óner – qoǵam damýynyń negizgi qajetti salasy. Mádenıeti men óneri órkendegen qoǵam ár ýaqytta ilgerilep, damıdy.