21 جاستاعى الماتىلىقتان نارەستەنىڭ باسىنداي جىلاۋىق الىندى

فوتو: ۆيدەودان سكرينشوت

الماتىلىق حيرۋرگتار كىشى جامباستان كولەمى نارەستەنىڭ باسىنداي بولاتىن ۇلكەن جىلاۋىقتى الىپ تاستادى, – دەپ حابارلايدى qandastar.kz Massaget.kz سىلتەمەجاساپ.

الماتى قالاسىنىڭ №7 قالالىق كلينيكالىق اۋرۋحاناسىنا تۇركىستان وبلىسىنان «پرەساكرالدى جىلاۋىق» (تىك كىشەك ماڭىنداعى ىسىك) دياگنوزى بار 21 جاستاعى ناۋقاس كەلدى. №7 قالالىق كلينيكالىق اۋرۋحانانىڭ كولوپروكتولوگيا ءبولىمىنىڭ مەڭگەرۋشىسى مارات قالەنباەۆتىڭ ايتۋىنشا, بۇل جىلاۋىق ەرەكشە, كولەمى وتە ۇلكەن, 18-دەن 16 سم دوڭگەلەك ءپىشىندى, كىشى جامباس اۋماعىندا ورنالاسۋىمەن, بەلگىسسىز اعىممەن وسكەن. جىلاۋىق تابيعي جولمەن ءىشتى بوساتۋعا كەدەرگى كەلتىرگەن, جاس قىز تىك ىشەك اۋماعىندا تۇراقتى ايقىن بايقالاتىن قولايسىزدىقتان قينالعان.

ءجىشى جامباس جىلاۋىعى – بۇل دىڭشەك پەن تىك ىشەكتىڭ اراسىندا ورنالاسقان كىشى جامباس كەڭىستىك اۋماعىندا ورنالاسقان انومالدى قۋىس نەمەسە قالتالار. بۇل پاتولوگيا وتە سيرەك كەزدەسەتىن پاتولوگيا, مۇنداي پاتسيەنتتەر 40 مىڭ ادامنىڭ ىشىندە 1 رەت كەزدەسەدى. ادەتتە, مرت-دا نەمەسە كىشى جامباس اعزالارىنىڭ ۋدز-دە, ولشەمى 2 سم جانە ودان ءسال ۇلكەن بولاتىن جىلاۋىقتارى كەزدەسەدى, ال بۇل جاعدايدا انومالدى جاعداي كولەمى وتە ۇلكەن», – دەدى تاجىريبەلى حيرۋرگ-كولوپروكتولوگ مارات الڭبەك ۇلى قالەنباەۆ.

حيرۋرگ ءارى قاراي قۇيمىشاق بايلامىن الىپ تاستاۋمەن, كىشى جامباس اۋماعىنا وتە كۇردەلى وپەراتسيا ءساتتى جاسالعانىن ايتتى. دارىگەرلەر ءبىر وپەراتسيا ارقىلى جىلاۋىقتى الىپ تاستادى. جوعارى بىلىكتى حيرۋرگ-پروكتولوگتاردىڭ, انەستەزيولوگ-رەانيماتولوگتاردىڭ جانە تاجىريبەلى وپەراتسيالىق مەيىربيكەلەردىڭ كاسىبي شەبەرلىگى مەن بىلىكتىلىگىنىڭ ارقاسىندا جۇرگىزىلگەن وپەراتسيانىڭ تەحنيكالىق كۇردەلىلىگى مەن تىك ىشەكتىڭ اينالاسىنداعى ماي قاباتىنىڭ ىرىڭدەۋگە بەيىمدىلىگىن ەسكەرە وتىرىپ, اسقىنۋلاردىڭ الدىن الدى. ايتا كەتەيىك, بۇل وپەراتسيا مىندەتتى الەۋمەتتىك مەديتسينالىق ساقتاندىرۋ اياسىندا جاسالدى.

قازىر پاتسيەنت اۋرۋحانادان شىعۋعا دايىندالۋدا. دارىگەرلەر حالىققا مەديتسينالىق كومەككە ۋاقىتىلى جۇگىنۋ قاجەتتىگى تۋرالى ەسكەرتەدى, ويتكەنى حيرۋرگيالىق ەمدەۋ بولماعان كەزدە پارارەكتالدى تالشىقتىڭ ىرىڭدەۋى, تىك ىشەك جىلانكوزىنىڭ پايدا بولۋى, ءزار شىعارۋ جانە دەفەكاتسيا فۋنكتسيالارىنىڭ بۇزىلۋى سياقتى اسقىنۋلارى بار پرەاكرالدىق جىلاۋىق قاۋىپتى. اۋرۋدىڭ ۇزاق سوزىلۋى نەۆرالگيانىڭ, نەۆريت, انەميا سەكىلدى اۋرۋلاردىڭ دامۋىنا اكەلۋى مۇمكىن.