Jańalyqtar
«21 jerden pyshaq salǵan»: Semeıde jas jigitti azaptap óltirgen turǵyn sottaldy
Semeıde 22 jastaǵy jigitti azaptap óltirgen turǵyn sottaldy. Sýdıa qandy qylmysty jasady degen kúdiktini 12 jylǵa bas bostandyǵynan aıyrdy. Biraq bul úkimmen jábirlenýshi tarap kelispeı otyr, dep habarlaıdy qandastar.kz aqparat portaly KTK arnasyna silteme jasap.
«Qylmysykerge asa joǵary jaza berilgen joq . Biz birneshe ret talap-ótinish jazǵanbyz.Iaǵnı asa joǵary jaza berýge . О́kinishke qaraı, tergeý isi de, sot tergeý isi de qanaǵattandyrmady. Endi biz apellıaııaǵa berip, ary qaraı ádildiktiń, shyndyqtyń túbine jetýge daıynbyz», – dedi marqumnyń ápkesi Sholpan Muhamedjanova.
Sumdyq oqıǵa jyl basynda Úrjar aýdanynda bolǵan. Jergilikti turǵyndardyń biri túnde dúkenniń aldynda adam ólip jatqanyn kórip jedel járdem shaqyrtqan. 22 jastaǵy Rahat Raıbekti aıaýsyz pyshaqtap ketken eken. Marqumnyń týystary bir úıdiń jalǵyz ulyna 21 jerden pyshaq salǵan deıdi. Keıin osyndaı aıýandyqqa bardy degen kúdikpen jergilikti turǵyndardyń biri ustaldy.
Sýdıa jalǵan kýáger bolǵandardyń bárin jaýapqa tartý týraly da sheshim shyǵardy. Sondaı-aq áskerı komıssarıatqa da tekseris júrgiziletin bolady. Sebebi, qara jamylǵan otbasy aıǵaqtardy joıýǵa kómekteskenderdiń barlyǵyn jaýapqa tartýdy talap etken. Al sottalýshy jazasyn qaýipsizdigi ortasha mekemede ótemek.
«Qanat Samatuly Pushpaqpaev, QR QK 99-babynyń 1-bóligine saı qylmys jasaǵany úshin kináli dep tanylyp, 12 jylǵa bas bostandyǵynan aıyrylsyn. QR QK 46-baby, 5-bóliginiń 2-tarmaǵyna sáıkes, jazasyn qylmystyq atqarý júıesiniń ortasha qaýipsiz mekemesinde ótesin», – dedi sot úkimin oqyǵan sýdıa Aıjan Beseeva.
