قازاقستاندا 38 گرادۋس ايازعا ءتوزىمدى ديزەل ءوندىرۋ قولعا الىندى

بۇل وتىن ءتۇرى بۇگىنگىدەي ايازدا وتاندىق تۇتىنۋشىلار اراسىندا ۇلكەن سۇرانىسقا يە بولاتىنى بەلگىلى, دەپ حابارلايدى «حابار 24».

سۋىققا ءسوزىمدى سۇيىق وتىن جانارماي بەكەتتەرىنە قاشان جەتكىزىلەدى?

ايازعا ءتوزىمدى ديزەلدىڭ العاشقى پارتياسى اتىراۋ مۇناي وڭدەۋ زاۋىتىنان 14 قاراشادا جونەلتىلدى. بۇدان بولەك, «كۇرتى-قاپشاعاي» جولىن قايتا جاڭعىرتۋ جوباسىنا قانشا قارجى جۇمسالادى. الماتىداعى اقىلى اۆتوتۇراق قالا قازىناسىنا قانشا پايدا اكەلدى.

اتىراۋ مۇناي وڭدەۋ زاۋىتى 38 گرادۋس ايازعا ءتوزىمدى ديزەل شىعارا باستادى. ول ك5 ەكولوگيالىق ساناتقا سايكەس كەلەدى. ياعني, قۇرامىندا كۇكىرت پەن پارافيندەرى از جانە تومەن تەمپەراتۋرانىڭ ەرەكشەلىكتەرىنە اسەر ەتەتىن قوسپالارى جوق. بۇل تەحنولوگيالىق پروتسەستىڭ تازا ءونىمى.

زاۋىت باسشىلىعى وسى ايدىڭ سوڭىنا دەيىن بارلىعى 3,5 مىڭ توننا سۇيىق وتىن جونەلتۋدى جوسپارلاپ وتىر. Khazar-38 ديزەل وتىنى زاۋىت ءۇشىن دە, بۇكىل قازاقستان ءۇشىن دە بىرەگەي ءونىم.

ايتا كەتەيىك بىلتىر مۇناي وڭدەۋ زاۋىتى مۇناي ونىمدەرىنىڭ بىرنەشە ءتۇرىن شىعارا باستادى. ول كەزدە ديزەلدىڭ سۋىققا توزىمدىلىگىنىڭ شەكتى تەمپەراتۋراسى 32 گرادۋس بولاتىن. الايدا, بيىل كەشەندە جاڭا قوندىرعىلارىن ىسكە قوسۋدىڭ ارقاسىندا 38 گرادۋستا قاتپايتىن ديزەل شىعارۋ مۇمكىندىگىنە يە بولدى.