جاڭالىقتار
22 ادام قازا تاپتى: كامچاتكادا جولاۋشىلارى بار تىكۇشاق اپاتقا ۇشىرادى
فوتو: رەسەي تجم
ۆاچكاجەتس تاۋ جوتاسىنداعى قونۋ الاڭىنان كامچاتكاداعى نيكولاەۆكا اۋىلىنا ۇشىپ كەلە جاتقان مي-8 تىكۇشاعى اپاتقا ۇشىرادى.
جولاۋشىلار مەن ەكيپاج مۇشەلەرى قازا تاپقانى حابارلاندى. «ريا نوۆوستي» اقپاراتىنشا, اۋە كەمەسىمەن بايلانىس ۇزىلگەن.
الدىن الا مالىمەتكە سايكەس, بورتتا 19 جولاۋشى مەن ءۇش ەكيپاج مۇشەسى بولعان. وڭىرلىك توتەنشە جاعداي ءمينيسترى سەرگەي لەبەدەۆتىڭ حابارلاۋىنشا, تىكۇشاقتىڭ سىنىقتارى تابىلعان. ولار 900 مەتر بيىكتە, بورت سوڭعى رەت بايلانىسقا شىققان ماڭدا تابىلعان.
جەدەل قىزمەتتەر بورتتا بولعان ادامداردىڭ ءبارى قازا تاپقانىن حابارلادى.
«اۋا رايىنىڭ ناشارلاۋىنا بايلانىستى تىكۇشاق شوقىعا سوعىلعان. الدىن الا اقپارات بويىنشا, ولاردىڭ ءبارى قازا تاپقان», – دەپ حابارلاعان باسىلىم تىلشىلەرىنە.
سونىمەن بىرگە رەسەي تجم قۇتقارۋشىلار توتەنشە جاعداي ورنىنا جەتكىزىلگەنىن, 17 ادامنىڭ دەنەسى تابىلعانىن حابارلادى.
