22 adam qaza tapty: Kamchatkada jolaýshylary bar tikushaq apatqa ushyrady

Foto: Reseı TJM

Vachkaje taý jotasyndaǵy qoný alańynan Kamchatkadaǵy Nıkolaevka aýylyna ushyp kele jatqan MI-8 tikushaǵy apatqa ushyrady.

Jolaýshylar men ekıpaj músheleri qaza tapqany habarlandy. «RIA Novostı» aqparatynsha, áýe kemesimen baılanys úzilgen.

Aldyn ala málimetke sáıkes, bortta 19 jolaýshy men úsh ekıpaj múshesi bolǵan. О́ńirlik tótenshe jaǵdaı mınıstri Sergeı Lebedevtiń habarlaýynsha, tikushaqtyń synyqtary tabylǵan. Olar 900 metr bıikte, bort sońǵy ret baılanysqa shyqqan mańda tabylǵan.

Jedel qyzmetter bortta bolǵan adamdardyń bári qaza tapqanyn habarlady.

«Aýa raıynyń nasharlaýyna baılanysty tikushaq shoqyǵa soǵylǵan. Aldyn ala aqparat boıynsha, olardyń bári qaza tapqan», – dep habarlaǵan basylym tilshilerine.

Sonymen birge Reseı TJM qutqarýshylar tótenshe jaǵdaı ornyna jetkizilgenin, 17 adamnyń denesi tabylǵanyn habarlady.