22 جاستاعى جىگىتتى نەكە قيۋ ءراسىمى كۇنى ءولتىرىپ كەتكەن

فوتو: اشىق دەرەككوز

كوكشەتاۋدا 22 جاستاعى جىگىت ءولى تابىلدى. قايعىلى وقيعا تۋرالى sinegor.kz باسىلىمىنا مارقۇم جىگىتتىڭ تۋىستارى ايتىپ بەرگەن, دەپ جازادى qandastar.kz

تۋىستارى قايعىلى وقيعا 22 جاستاعى جىگىتتىڭ نەكە قيۋ ءراسىمى وتكەن كۇنى بولعانىن ايتادى.

اقمولا وبلىسى پوليتسيا دەپارتامەنتى وقيعاعا پىكىر ءبىلدىردى.

«12 قاراشادا كوكشەتاۋداعى كوڭىل كوتەرۋ ورىندارىنىڭ بىرىندە كراسنىي يار اۋىلىنىڭ 22 جاستاعى تۇرعىنىن ءولتىرىپ كەتكەن. بۇل دەرەك بويىنشا سوتقا دەيىنگى تەرگەۋ امالدارى جۇرگىزىلىپ جاتىر. كۇدىكتى بىردەن ۇستالىپ, ۋاقىتشا ۇستاۋ يزولياتورىنا قاماۋعا الىندى. سونىمەن قاتار, بۇل وقيعاعا قاتىسى بار بارلىق ادام ۇستالدى. التى ادامعا قاتىستى سوتقا دەيىنگى تەرگەۋ ءجۇرىپ جاتىر», – دەيدى اقمولا وبلىسى پد باستىعىنىڭ ورىنباسارى باقتيار ۋتەكين.

ۆەدومستۆو بۇل دەرەك پد باسشىسىنىڭ تىكەلەي باقىلاۋىندا ەكەنىن مالىمدەدى.