«227 mln teńge jınaldy»: Erbaıan Muhtardy týystary Germanııaǵa emdeýge aparmaq

Foto: www.instagram.com/erbayan2024/

Qazaqstandyqtar aýyr halde jatqan sarbaz Erbaıan Muhtardyń emi úshin qarajat jınaýdy jalǵastyrýda.

Búgin onyń EKG, júrek eho-kardıografııasy jáne ókpe rentgeni sııaqty medıınalyq tekseristeri belgilengen. Dárigerler Erbaıannyń uzaq ýaqyt arqasymen jatýy qan tamyrlaryna júkteme túsirip, ókpede toqyraýly pnevmonııanyń bar-joǵyn anyqtaýy kerek, dep habarlaıdy qandastar.kz.Bul týraly Erbaıannyń Instagram paraqshasynda belgili boldy.

Erbaıannyń denesi uzaq saparǵa daıyn bolýy qajet. Jaqyn arada onyń týystary Germanııa elshiligine baryp, qabyldaýǵa ótinish berýdi josparlap otyr. Erbaıannyń ata-anasy jaqyn arada ushýǵa daıyndyq retinde ózderine pasport jasatýdy qolǵa alýda.

Ázirge Erbaıannyń medıınalyq qujattary aǵylshyn tiline aýdarylmaǵan, biraq olar birneshe álemdik klınıkalarǵa, sonyń ishinde Germanııadaǵy klınıkalarǵa da jiberilgen. Jaýap kútilýde, emdeý somasy áli belgisiz, sebebi klınıka áli tańdalǵan joq.

Eske salaıyq, ótken jyldyń jeltoqsan aıynda áskerı qyzmetshi Erbaıan Muhtar komaǵa túsken bolatyn. Áskerı bólimdegiler onyń ájethanada qulap, basyn plıtkaǵa soǵyp alǵanyn aıtyp, bul oqıǵany jazataıym jaǵdaı dep túsindirgen. Alaıda týystary bul nusqany qabyldamady. Erbaıan bas súıek-mı jaraqatyn alǵan, ol Almaty qalasyndaǵy 5571 áskerı bóliminiń ulttyq gvardııasynda qyzmet etken.