جاڭالىقتار
23 ملن تۇراتىن كولىك تاركىلەندى: ايتەنوۆ اليمەنت تولەيتىن بولدى
فوتو: اشىق دەرەككوز
مارات ايتەنوۆ پەن دانا اتەشوۆانىڭ جانجالى ەلدى شۋلاتقان ەدى. ەندى اليمەنت ءۇشىن ايتەنوۆتىڭ كولىگى تاركىلەنەتىن بولدى, دەپ جازادى qandastar.kz استانا قالاسىنىڭ جەكە سوت ورىنداۋشىلارىنىڭ وڭىرلىك پالاتاسىنا سۇيەنىپ.
«جەكە سوت ورىنداۋشى ن.ك.مۇراتوۆا ءۇش بالاعا اليمەنت ءوندىرۋ تۋرالى ورىنداۋشىلىق ءوندىرىس بويىنشا بورىشكەردىڭ اۆتوكولىگىن تاركىلەپ, ايىپپۇل تۇراعىنا قويلى. قارىز سوماسى 23 000 000 تەڭگەدەن اسادى. ءارى قاراي بۇل اۆتوكولىك ەلەكتروندى ساۋدا ارقىلى ساتىلىپ, بالالاردىڭ الدىنداعى قارىزدى جابۋعا جۇمسالادى», – دەلىنگەن جازبادا.
وسى جازبانىڭ استىنا مارات ايتەنوۆتىڭ بۇرىنعى جارى, ءۇش بالانىڭ اناسى دانا اتەشوۆا پىكىر قالدىرىپ, جەكە سوت ورىنداۋشىسىنا العىس ايتقان.
«جەكە سوت ورىنداۋشى مۇراتوۆا نۇرگۇل قايىرعازىقىزىنا راحمەتىمدى ايتامىن. مارات ايتەنوۆ پەن لەيلا ميراستىڭ تاراپىنان كوپتەگەن ارىز بەرىلگەنىنە قاراماستان, نۇرگۇل قايىرعازىقىزى ءوز جۇمىسىن سوڭىنا دەيىن ورىندايدى. زاڭدى قاتاڭ ساقتايدى. مۇنداي تامىر-تانىس پەن كوپ تالاپ ارىزعا ەكىنىڭ ءبىرى شىداماس ەدى», – دەگەن ول.
