23 mln turatyn kólik tárkilendi: Áıtenov alıment tóleıtin boldy

Foto: ashyq derekkóz

Marat Áıtenov pen Dana Áteshovanyń janjaly eldi shýlatqan edi. Endi alıment úshin Áıtenovtiń kóligi tárkilenetin boldy, dep jazady qandastar.kz  Astana qalasynyń jeke sot oryndaýshylarynyń óńirlik palatasyna súıenip.

«Jeke sot oryndaýshy N.K.Muratova úsh balaǵa alıment óndirý týraly oryndaýshylyq óndiris boıynsha boryshkerdiń avtokóligin tárkilep, aıyppul turaǵyna qoıly. Qaryz somasy 23 000 000 teńgeden asady. Ári qaraı bul avtokólik elektrondy saýda arqyly satylyp, balalardyń aldyndaǵy qaryzdy jabýǵa jumsalady», – delingen jazbada.

Osy jazbanyń astyna Marat Áıtenovtiń burynǵy jary, úsh balanyń anasy Dana Áteshova pikir qaldyryp, jeke sot oryndaýshysyna alǵys aıtqan.

«Jeke sot oryndaýshy Muratova Nurgúl Qaıyrǵazyqyzyna rahmetimdi aıtamyn. Marat Áıtenov pen Leıla Mırastyń tarapynan kóptegen aryz berilgenine qaramastan, Nurgúl Qaıyrǵazyqyzy óz jumysyn sońyna deıin oryndaıdy. Zańdy qatań saqtaıdy. Mundaı tamyr-tanys pen kóp talap aryzǵa ekiniń biri shydamas edi», – degen ol.