23 jastaǵy áskerı qyzmetker 15 jastaǵy qyzdy júkti etip, keıin tastap ketken

Túrkistan oblysynda 16 jastaǵy qyzdyń 23 jastaǵy áskerı qyzmetkerden bala týǵanyna baılanysty daý shyqty, dep habarlaıdy qandastar.kz

Alaıda tergeý toqtap tur.

Polıııa men áskerı-tergeý basqarmasy isti kim júrgizýi kerektigin sheshe almaı otyr.

Bul týraly jýrnalıst Jazıra Begaly habarlady. Onyń aıtýynsha, qyz 15 jasynda, 9-synypta oqyp júrgende júkti bolǵan.

«Kámeletke tolmaǵanmen jynystyq qatynasqa túskeni úshin qylmystyq jaýapkershilikten qashý maqsatynda er adam onymen resmı túrde nekege turǵan. Alaıda jarty jyldan keıin ony tastap, ata-anasynyń úıine qaıtaryp jibergen», – dedi Jazıra.

Jýrnalıstiń málimetinshe, jergilikti tergeýshi qyzdan jynystyq qatynasqa «óz erkimen barǵany» týraly qolhat alyp, qylmystyq isti jaýyp tastaǵan. Bul – zańǵa qaıshy: Qazaqstanda 16 jasqa tolmaǵan adammen jynystyq qatynas – jábirlenýshiniń kelisimine qaramastan, qylmystyq qylmys bolyp sanalady.

Skifnews.kz jazǵandaı,     qyz Astanaǵa shaǵym túsirgennen keıin is qaıta qozǵalǵan. Alaıda eki aı ótse de, eshqandaı nátıje joq