«23 جاستان باستاپ جۇرگىزە الادى»: توقاەۆ قازاقستاندا اۆتوبۋس جۇرگىزۋشىلەرىنە تالاپتاردى جەڭىلدەتەتىن زاڭعا قول قويدى

فوتو: گولوس نارودا

قازاقستاندا اۆتوبۋس جۇرگىزۋشىلەرىنە قويىلاتىن تالاپتار جەڭىلدەتىلىپ, ەلەكتروموبيلدەرگە ارنالعان تەگىن تۇراققا رۇقسات بەرىلدى. بۇل تۋرالى Stan.kz اقپارات اگەنتتىگى حابارلايدى.

اقوردا ءتيىستى زاڭعا مەملەكەت باسشىسى قاسىم-جومارت توقاەۆ قول قويعانىن جەتكىزدى.

«مەملەكەت باسشىسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە كولىك جانە ەلەكترموبيلدەرگە ارنالعان ينفراقۇرىلىمدى دامىتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى», — دەلىنگەن حابارلامادا.

ەندى قازاقستاندىقتار اۆتوبۋستاردى 25 جاستان ەمەس, 23 جاستان باستاپ جۇرگىزە الادى. سونداي-اق جۇرگىزۋ ءوتىلى بەس جىلدان ءۇش جىلعا دەيىن قىسقارتىلدى. بۇعان سەبەپ ەلىمىزدە قوعامدىق كولىك سالاسىندا كادرلار تاپشىلىعى بار.

بۇعان دەيىن ىشكى ىستەر ۆيتسە-ءمينيسترى مارات قوجاەۆ اۆتوبۋس جۇرگىزۋشىلەرىنە قويىلاتىن تالاپتاردىڭ تومەندەۋى جولاۋشىلاردىڭ قاۋىپسىزدىگىنە اسەر ەتپەيتىنىن جەتكىزگەن ەدى.

«بۇل نورماعا نەگە بارعانىمىزدى تۇسىندىرەر بولسام, جولاۋشىلار تاسىمالىمەن اينالىساتىن بيزنەس وكىلدەرى ەلدە جۇرگىزۋشىلەر تاپشىلىعى كوپ دەگەن ماسەلەنى كوپتەن بەرى كوتەرىپ كەلەدى. وسى جاعدايدى تالداي كەلە, قازاقستاندا ەاەو-نىڭ بارلىق ەلدەرىنىڭ ەڭ قاتاڭ تالاپتارى بار ەكەنىن تۇسىندىك. وندا 21 جاستان باستاپ جۇرگىزۋشىلەرگە رۇقسات ەتىلەدى. ال بىزدە 25 جاستان باستاپ بەس جىلدىق جۇرگىزۋشى تاجىريبەسى بولۋى كەرەك. مەنىڭ ويىمشا, مۇنى سال تومەندەتسەك جولاۋشىلار مەن تاسىمالدىڭ قاۋىپسىزدىگىنە ايتارلىقتاي اسەر ەتپەيدى», – دەپ اتاپ ءوتتى ول.

قوجاەۆ بارلىق ءىرى اۆتوپاركتەر مەن جۇيەلىك تاسىمالداۋشىلار باقىلاناتىنىن اتاپ ءوتتى. بۇل رەتتە كەيىنگى جىلدارداعى ستاتيستيكا قوعامدىق كولىكپەن بولعان جول كولىك وقيعاسىنىڭ سانى 57% تومەندەگەنىن كورسەتەدى.

سونداي-اق, قۇجاتتا «ەلەكتروموبيل» جانە «ەلەكتر زاريادتاۋ ستانتسياسى»سياقتى جاڭا ۇعىمدار جازىلعان. ەندى ەلەكتروموبيلدەرگە تۇراق ءۇشىن ارنايى ورىندار قامتاماسىز ەتىلەدى. ال ولاردىڭ يەلەرى تولەمنەن بوساتىلادى. سونىمەن قاتار قۋاتتاۋ ورىندارى دا ۇيىمداستىرىلماق.