جاڭالىقتار
«23 جىل»: پروكۋرور شەرزات پولات ولىمىنە ايىپتالۋشىلارعا جازا سۇرادى
بۇگىن تالدىقورعاندا مارقۇم شەرزات پولاتتىڭ ولىمىنە قاتىستى كەزەكتى سوت وتىرىسى ءوتىپ جاتىر. وتىرىستا مەملەكەتتىك ايىپتاۋشى دانا سارسەنباي سوتتان ايىپتالۋشىلارعا جازا تاعايىنداۋدى سۇرادى, دەپ حابارلايدى Qandastar.kz اقپاراتتىق پورتالى.
«كامەلەتتىك جاسقا تولماعان دۋمان ىسقاقتى 1,6 جىلعا, دارحان اسكەنتاي, شىڭعىس بەلعوجاەۆ, نۇربول توقتاۋباەۆ, ديدار قالياحمەتتىڭ ارقايسىنا 7 جىلعا, نۇرقياس ءىلياسوۆتى تۇپكىلىكتى 9 جىلعا, ازامات توقتاۋباەۆتى تۇپكىلىكتى 15 جىلعا, راۆيل ساكيەۆتى تۇپكىلىكتى 20 جىلعا, ابزال شىناسىلدى تۇپكىلىكتى 23 جىلعا باس بوستاندىعىنان ايىرۋدى سۇرايمىن», — دەدى پروكۋرور.
سونداي-اق ايىپتالۋشىلاردىڭ ءبارىن جازاسىن وتەۋ ءۇشىن قاۋىپسىزدىگى ورتاشا مەكەمەلەرگە جىبەرۋدى سۇرادى.
