«23 jyl»: Prokýror Sherzat Polat ólimine aıyptalýshylarǵa jaza surady

Búgin Taldyqorǵanda marqum Sherzat Polattyń ólimine qatysty kezekti sot otyrysy ótip jatyr. Otyrysta memlekettik aıyptaýshy Dana Sársenbaı sottan aıyptalýshylarǵa jaza taǵaıyndaýdy surady, dep habarlaıdy Qandastar.kz aqparattyq portaly.

«Kámelettik jasqa tolmaǵan Dýman Ysqaqty 1,6 jylǵa, Darhan Áskentaı, Shyńǵys Belǵojaev, Nurbol Toqtaýbaev, Dıdar Qalıahmettiń árqaısyna 7 jylǵa,  Nurqııas Ilııasovty túpkilikti 9 jylǵa, Azamat Toqtaýbaevty túpkilikti 15 jylǵa, Ravıl Sakıevti túpkilikti 20 jylǵa, Abzal Shynasyldy túpkilikti 23 jylǵa bas bostandyǵynan aıyrýdy suraımyn», — dedi prokýror.

Sondaı-aq aıyptalýshylardyń bárin jazasyn óteý úshin qaýipsizdigi ortasha mekemelerge jiberýdi surady.