جاڭالىقتار
كلەبانوۆ «استانا ەرتس»-نىڭ 50% ۇلەسىن زاڭسىز يەلەنگەن
فوتو: اشىق دەرەككوز
الەكساندر كلەبانوۆ «استانا ەرتس»-نىڭ 50% ۇلەسىن زاڭسىز يەلەنگەن, دەپ جازدى qandastar.kz
وعان تيەسىلى كاسىپورىننىڭ جىلدىق تابىسى 11 ملرد تەڭگە, ال كلەبانوۆ ونى 85 ملن تەڭگەگە ساتىپ العان. بۇل تۋرالى استانا اكىمىنىڭ حالىقپەن كەزدەسۋىندە قالا تۇرعىنى مارات بولەكباەۆ ايتتى.
سوزىنشە مەملەكەت مەنشىگىندەگى ستراتەگيالىق ماڭىزدى نىساندى جەكەشەلەندىرۋ زاڭعا قايشى كەلۋى مۇمكىن. سوندىقتان كەلىسىمدى بۇزىپ, اكتيۆتى مەملەكەتكە قايتارعان ءجون. پروكۋراتۋرا وسى ىسكە ارالاسۋى ءتيىس دەيدى قالا تۇرعىنى. بۇل ماسەلەگە اكىم جەڭىس قاسىمبەك جان-جاقتى تالداۋ جۇرگىزىلىپ, رەسمي جاۋاپ بەرىلەدى دەپ قىسقا قايىردى.
2022 جىلى ەكىباستۇز تۇرعىندارى قاتتى ايازدا جىلۋسىز قالىپ, قالادا توتەنشە جاعداي جاريالانعان ەدى. سول جاعدايدان كەيىن الەكساندر كلەبانوۆ ءوزى يەلىك ەتكەن «ەكىباستۇزجىلۋەنەرگونى» مەملەكەتكە قايتارىپ بەردى. پروتسەسس 2024 جىلى اياقتالدى. كلەبانوۆ قازاقستاننىڭ ەڭ ىقپالدى بيزنەسمەندەر رەيتينگىندە 21-ورىندا تۇر. ونىڭ بايلىعى 815 ملن دوللارعا باعالانادى.
