Klebanov «Astana ER»-nyń 50% úlesin zańsyz ıelengen

Foto: ashyq derekkóz

Aleksandr Klebanov «Astana ER»-nyń 50% úlesin zańsyz ıelengen, dep jazdy qandastar.kz

Oǵan tıesili kásiporynnyń jyldyq tabysy 11 mlrd teńge, al Klebanov ony 85 mln teńgege satyp alǵan. Bul týraly Astana ákiminiń halyqpen kezdesýinde qala turǵyny Marat Bólekbaev aıtty.

Sózinshe memleket menshigindegi strategııalyq mańyzdy nysandy jekeshelendirý zańǵa qaıshy kelýi múmkin. Sondyqtan kelisimdi buzyp, aktıvti memleketke qaıtarǵan jón. Prokýratýra osy iske aralasýy tıis deıdi qala turǵyny. Bul máselege ákim Jeńis Qasymbek jan-jaqty taldaý júrgizilip, resmı jaýap beriledi dep qysqa qaıyrdy.

2022 jyly Ekibastuz turǵyndary qatty aıazda jylýsyz qalyp, qalada tótenshe jaǵdaı jarııalanǵan edi. Sol jaǵdaıdan keıin Aleksandr Klebanov ózi ıelik etken «Ekibastuzjylýenergony» memleketke qaıtaryp berdi. Proess 2024 jyly aıaqtaldy. Klebanov Qazaqstannyń eń yqpaldy bıznesmender reıtınginde 21-orynda tur. Onyń baılyǵy 815 mln dollarǵa baǵalanady.