«Kóptegen zııandy qospalar bar»: oqýshylar jappaı ýlanǵan qytaılyq snekterdiń neden jasalatyny belgili boldy

Foto:Informburo.kz

Sanıtarlyq dárigerler qytaı taǵamdaryn zertteý nátıjelerin jarııalady. Mamandar bul taǵamdardyń quramynda adam aǵzasyna zııandy zattardyń baryn anyqtady. Olar bas aýrýyn, júrek aınýdy, álsizdikti týdyrady. Aqtóbe oblysynda oqýshylardyń jappaı ýlanýyna da osy qytaı ónimderi sebep bolǵan, — dep habarlaıdy qandastar.kz 24kz-ke silteme jasap.

Qazaqstandyq jastarda jańa trend paıda boldy. Oqýshylar «latıao» degen qytaılyq ónimniń dámin kórýden jarysady. Soıa etinen jasalǵan aщy qytaılyq taıaqshalardy jegen vıdeolar jeli qoldanýshylary arasynda tarap ketti.

Blı 1: Basynda jegende dámi unamaǵan. Biraq keıin unap ketti. Táýeldilik bolyp, biraq qazir qoıyp kettim. Biraq jeıtin nárse emes. Júrek aıný bolady, qusqyń keledi, sondaı boldy.

Blı 2: Mundaıǵa qarsymyn. Ondaı qoldanýǵa, jeýge qarsymyn. Anda-sanda bolmasa, bylaı ýaqytta kúndelikti paıdalanýǵa zııan dep oılaımyn adam densaýlyǵyna. Onyń quramyn bilmeımiz. Quramyn bilmegen teksermegennen keıin usynýǵa keńes bermeımin.

Blı 3: Bir ret jep kórdim. Tátti me, aщy ma bilmeımin. Dámi túsiniksiz. Mekteptiń janyndaǵy dúkende osyndaı ónimderdi kóp satylady. Oqýshylar únemi alyp, jep júredi.

Quramynda GMO, qorǵasyn, kadmıı jáne myshıak bolmasa da, bul snekterde bas aýrýy, isiný, júrek aıný jáne álsizdik týdyrýy múmkin dám kúsheıtkish zat bar. Sonymen qatar ol qan qysymyn buzyp, asqazan aýrýyna ákelýi múmkin. Qytaılyq ónim quramyndaǵy taǵy bir qosymsha – natrıı ınozınaty. Ol allergııa qaýpin arttyrady jáne as qorytý júıesine keri áser etedi. Sonymen qatar ónimniń qaýipsizdik talaptaryna saı ekendigin rastaıtyn sáıkestik týraly deklaraııa joq. Sondyqtan mamandar mundaı snekterdi almaýǵa keńes beredi. Ásirese, balalar raıonyna qosýdyń qajeti joq.

— Snekterde kóptegen zııandy qospalar bar. Onda konservanttar, boıaǵysh zattar, dámdi kúsheıtetin zattar bar ekenin eskersek, árıne, bul ónimder asqazan-ishek joldarynyń shyryshty qabyǵyn titirkendiredi. Nátıjesinde ótkir gastrıt bolýy múmkin, ýlanýda múmkin, — deıdi gastroenterolog-dáriger Gúlnár Jaýǵasheva.

Qytaıda mundaı snekterdi et jemeıtin adamdar tutynady. Biraq jergilikti halyqtyń ózi osy ónimniń balalar men jasóspirimderde táýeldilik týdyratynyn aıtady.

— Qytaı taǵamdary kóbinese shaǵyn dúkenderde, saýda oryndarynda, mını-marketterde sáıkestik týraly deklaraııasyz satylady. Iaǵnı, kásipker mundaı taýardy satý úshin jetkizýshiden sáıkestik týraly deklaraııany talap etpeıdi. Demek, zańnamany buzady jáne bul ónim tutynýshyǵa tańbalaýsyz, qajetti aqparatsyz satylady, — dedi QR DSM Sanıtarlyq-epıdemıologııalyq baqylaý komıteti basqarmasynyń basshysy Áıgerim Sadýbaeva

Aqtóbe oblysynda oqýshylardyń jappaı ýlanýynan keıin sanıtarlyq epıdemıologııalyq baqylaý komıteti mundaı ónimderdi aınalymnan alyp tastaýdy tapsyrdy. Snekterdi satatyn dúkender men saýda oryndary tıisti habarlamalardy aldy. Qazir qytaılyq ónimdi elge kirgizýge jáne satýǵa tyıym salatyn sanıtarlyq is sharalar júrgizilip jatyr.