جاڭالىقتار
24 جاستاعى جىگىت وقۋ-اعارتۋ مينيسترلىگىنىڭ عيماراتىنا كىرىپ, ورتەمەك بولدى
فوتو: اشىق دەرەككوز
بۇگىن تاڭعى ساعات 8-دەر شاماسىندا استاناداعى مينيسترلىكتەر ۇيىندە, دالىرەك ايتساق, 11-كىرەبەرىستە ءورت شىقتى. بەلگىسىز ەر ادام وقۋ-اعارتۋ مينيسترلىگىنىڭ عيماراتىنا كىرىپ, تۋرنيكەتكە جانعىش قوسپا لاقتىرعان, – دەپ حابارلايدى qandastar.kz inbusiness.kz سايتىنا سىلتەمە جاساپ.
– مينيسترلىكتەر ءۇيىنىڭ كىرەبەرىسىندە ءورت شىعارعان 24 جاستاعى ازامات انىقتالىپ, ونى پوليتسيا قىزمەتكەرلەرى ۇستادى. اتالعان فاكت بويىنشا سوتقا دەيىنگى تەرگەپ-تەكسەرۋ باستالدى. وقيعانىڭ ءمان-جايى انىقتالىپ جاتىر, – دەپ حابارلادى استانا قالالىق پوليتسيا دەپارتامەنتىنىڭ ءباسپاسوز قىزمەتى.
ءورتتى قالالىق توتەنشە جاعدايلار دەپارتامەنتىنىڭ قىزمەتكەرلەرى جەدەل سوندىرگەن. سونداي-اق ۆەدومستۆونىڭ مالىمەتىنشە, زارداپ شەككەندەر جوق.
