24 جىلعا سوتتالعان قازاقستاندىق تۇرمەدەگىلەردى تەراكت جاساۋعا شاقىرعان

جامبىل وبلىسىنداعى تۇرمەدە راديكالدى يدەولوگيانى ناسيحاتتاپ, لاڭكەستىك ارەكەتكە شاقىرعان سوتتالۋشى انىقتالدى, دەپ حابارلايدىSkifnews.kz اقپارات پورتالى.

قازاقستان رەسپۋبليكاسى ۇلتتىق ۇلانىنىڭ ءباسپاسوز قىزمەتىنىڭ مالىمەتىنشە, ۇلتتىق قاۋىپسىزدىك كوميتەتىنىڭ جامبىل وبلىسى بويىنشا دەپارتامەنتىنىڭ قىزمەتكەرلەرى ۇلتتىق ۇلاننىڭ «بۇركىت» ارنايى جاساق بولىمشەلەرىمەن بىرلەسىپ, جازاسىن وتەۋشىلەر اراسىندا تەرروريزمدى ناسيحاتتاپ جۇرگەن 34 جاستاعى سوتتالۋشىنى انىقتادى.

«ول راديكالدى يدەولوگيانى تاراتىپ قانا قويماي, تەرروريزم اكتىسىن جاساۋعا شاقىردى, ۇستالعان اتىراۋ وبلىسىنىڭ تۋماسى, 2013 جىلدان بەرى ادام ءولتىرۋ, زاڭسىز قارۋ ساقتاۋ جانە توناۋ قىلمىستارى ءۇشىن 24 جىلعا سوتتالعان», – دەلىنگەن حابارلامادا.

اتالعان فاكتى بويىنشا قىلمىستىق ءىس قوزعالدى.