قيۋ قاشقان اڭگىمە: اقش پەن رەسەي ۋكراينا بويىنشا كەلىسسوزدەردى بىرلەسكەن مالىمدەمەسىز اياقتادى

فوتو:Orda.kz

ەر-ريادتا اقش پەن رەسەي وكىلدەرىنىڭ رەسەي-ۋكراينا اسكەري قاقتىعىستارىن شەشۋگە قاتىستى كەلىسسوزدەرى اياقتالدى. تاراپتار ازىرگە بىرلەسكەن مالىمدەمە جاساعان جوق, دەپ حابارلايدى qandastar.kz

CBS News تەلەارناسى دەرەككوزدەرگە سىلتەمە جاساپ, كەلىسسوزدەر قورىتىندىسى بويىنشا ەكى ەلگە ورتاق مالىمدەمە 25 ناۋرىزدا استانا ۋاقىتىمەن ساعات 13.00-دە جاسالۋى ءتيىس ەكەنىن حابارلادى. دەگەنمەن ولاي بولعان جوق.

Orda.kz جازعانداي,   كەلىسسىزدەرگە جۋرناليستەر كىرگىزىلمەدى, سوندىقتان كەلىسسىزدەر ونىمدىلىگىن تەك كەيبىر باق حابارلامالارى ارقىلى عانا باعالاۋعا بولادى.

CBS News امەريكالىق كەلىسسوزشىلەر «وپتيميست بولىپ كورىندى» دەپ مالىمدەدى. اقش وكىلدەرى بۇنىمەن قاتار ۋكرايندىق ارىپتەستەرىمەن اتىستى توقتاتۋ تۋرالى كەلىسىمنىڭ ەگجەي-تەگجەيلەرىن تالقىلاۋدى جالعاستىرۋدا.

كەلىسسوزدەرگە رەسەيلىك تاراپتان قاتىسقان فەدەراتسيا كەڭەسىنىڭ حالىقارالىق ىستەر جونىندەگى كوميتەتىنىڭ باسشىسى گريگوري كاراسين تاسس اگەنتتىگىنە بەرگەن تۇسىنىكتەمەسىندە كەلىسسوزدەر «كونسترۋكتيۆتى ديالوگ سياقتى اسەر قالدىردى» دەپ مالىمدەدى.

«ءبارى تالقىلاندى, قيىن ديالوگ بولدى, بىراق ءبىز ءۇشىن دە, امەريكالىقتار ءۇشىن دە وتە پايدالى دەپ ويلايمىن. كوپتەگەن ماسەلەلەر تالقىلاندى. ارينە, ءبىز ءبارىن شەشكەن جوقپىز, ءبارىن بىردەي كەلىسا العان جوقپىز», — دەدى. كاراسين جايباراقات.

Associated Press اگەنتتىگى اتاعانداي, اقش پەن رەسەي ۋكراينا مەن رەسەي فەدەراتسياسى اراسىنداعى وتىز كۇندىك بىتىمگە كەلۋ تۋرالى ۇسىنىلعان كەلىسىمنىڭ ناقتى تارماقتارى بويىنشا ءالى كەلىسىمگە كەلمەدى.

ۆاشينگتون «ەنەرگەتيكالىق جانە ينفراقۇرىلىمدىق نىسانداردى» نىساناعا الماۋ كەرەكتىگىن ايتسا, ماسكەۋ تەك «ەنەرگەتيكالىق ينفراقۇرىلىمدى» ايتادى, ال ۋكراينا پرەزيدەنتى ۆلاديمير زەلەنسكي بۇل تىزىمگە تەمىر جولدارى مەن پورتتاردى قوسقىسى كەلەدى.

بىرلەسكەن مالىمدەمەنىڭ جوقتىعىنا قاراعاندا, تاراپتار بۇل باستى ماسەلەلەر بويىنشا ەشقاشان كەلىسە ءالمايتىن شىعار.

وسى ۋاقىتتا ارالىعىندا ۋكرايندىق ۇشقىشسىز ۇشاقتار قازاقستاندىق مۇناي ەكسپورتتالاتىن قتك ستانتسياسىنا تاعى دا شابۋىل جاساپ ۇلگەردى.