Qııý qashqan áńgime: AQSh pen Reseı Ýkraına boıynsha kelissózderdi birlesken málimdemesiz aıaqtady

Foto:Orda.kz

Er-Rııadta AQSh pen Reseı ókilderiniń Reseı-Ýkraına áskerı qaqtyǵystaryn sheshýge qatysty kelissózderi aıaqtaldy. Taraptar ázirge birlesken málimdeme jasaǵan joq, dep habarlaıdy qandastar.kz

CBS News telearnasy derekkózderge silteme jasap, kelissózder qorytyndysy boıynsha eki elge ortaq málimdeme 25 naýryzda Astana ýaqytymen saǵat 13.00-de jasalýy tıis ekenin habarlady. Degenmen olaı bolǵan joq.

Orda.kz jazǵandaı,   kelissizderge jýrnalıster kirgizilmedi, sondyqtan kelissizder ónimdiligin tek keıbir BAQ habarlamalary arqyly ǵana baǵalaýǵa bolady.

CBS News amerıkalyq kelissózshiler «optımıst bolyp kórindi» dep málimdedi. AQSh ókilderi bunymen qatar ýkraındyq áriptesterimen atysty toqtatý týraly kelisimniń egjeı-tegjeılerin talqylaýdy jalǵastyrýda.

Kelissózderge reseılik taraptan qatysqan Federaııa Keńesiniń halyqaralyq ister jónindegi komıtetiniń basshysy Grıgorıı Karasın TASS agenttigine bergen túsiniktemesinde kelissózder «konstrýktıvti dıalog sııaqty áser qaldyrdy» dep málimdedi.

«Bári talqylandy, qıyn dıalog boldy, biraq biz úshin de, amerıkalyqtar úshin de óte paıdaly dep oılaımyn. Kóptegen máseleler talqylandy. Árıne, biz bárin sheshken joqpyz, bárin birdeı kelisa alǵan joqpyz», — dedi. Karasın jaıbaraqat.

Associated Press agenttigi ataǵandaı, AQSh pen Reseı Ýkraına men Reseı Federaııasy arasyndaǵy otyz kúndik bitimge kelý týraly usynylǵan kelisimniń naqty tarmaqtary boıynsha áli kelisimge kelmedi.

Vashıngton «energetıkalyq jáne ınfraqurylymdyq nysandardy» nysanaǵa almaý kerektigin aıtsa, Máskeý tek «energetıkalyq ınfraqurylymdy» aıtady, al Ýkraına prezıdenti Vladımır Zelenskıı bul tizimge temir joldary men porttardy qosqysy keledi.

Birlesken málimdemeniń joqtyǵyna qaraǵanda, taraptar bul basty máseleler boıynsha eshqashan kelise almaıtin shyǵar.

Osy ýaqytta aralyǵynda ýkraındyq ushqyshsyz ushaqtar qazaqstandyq munaı eksporttalatyn QTK stanııasyna taǵy da shabýyl jasap úlgerdi.