الەم جاڭالىقتارىدەنساۋلىقجاڭالىقتار
25 بالانىڭ ءولىمى COVID-19 ۆاكتسيناسىمەن بايلانىستى بولۋى مۇمكىن
فوتو: gov.kz
اقش-تا COVID-19 ۆاكتسيناتسياسىنىڭ 25 كامەلەتكە تولماعان بالانىڭ ولىمىمەن بايلانىسى تۋرالى مالىمدەمە جاسالۋى مۇمكىن. بۇل جونىندە The Washington Post گازەتى جاريالادى, دەپ حابارلايدى Qandastar.kz.
گازەت دەرەكتەرىنە سايكەس, پرەزيدەنت دونالد ترامپ اكىمشىلىگىنىڭ دەنساۋلىق ساقتاۋ مينيسترلىگى شەنەۋنىكتەرى الداعى اپتادا CDC كەڭەسشىلەر توبىنىڭ الدىندا وتەتىن وتىرىستا بۇل مالىمدەمەنى ۇسىنۋدى كوزدەپ وتىر.
الايدا كەيبىر عالىمدار مۇنداي قادامعا الاڭداۋشىلىق ءبىلدىرىپ, قولدانىلعان زەرتتەۋ ادىستەمەسىنىڭ اشىق ەمەستىگىن اتاپ ءوتتى.
ازىق-ت ۇلىك جانە ءدارى-دارمەك باسقارماسىنىڭ كوميسسارى مارتي ماكاري اتالعان جاعدايدى تەكسەرۋ ءۇشىن ماماندار اۋتوپسيا ناتيجەلەرىن زەرتتەپ, بالالاردىڭ تۋىستارىنان سۇحبات الاتىنىن ايتتى.
بۇعان قوسا, بيىل 25 اقپاندا Fox News اقش دەنساۋلىق ساقتاۋ ءمينيسترى كىشى روبەرت كەننەديدىڭ COVID-19 ۆاكتسيناسىن جاساۋ جوباسىن توقتاتقانىن حابارلاعان. جوباعا 10 مىڭ ادام قاتىسۋى ءتيىس كلينيكالىق سىناقتار باستالاردان بىرنەشە كۇن بۇرىن ول بۇيرىق شىعارعان ەدى.
