Álem jańalyqtaryDensaýlyqJańalyqtar
25 balanyń ólimi COVID-19 vakınasymen baılanysty bolýy múmkin
foto: gov.kz
AQSh-ta COVID-19 vakınaııasynyń 25 kámeletke tolmaǵan balanyń ólimimen baılanysy týraly málimdeme jasalýy múmkin. Bul jóninde The Washington Post gazeti jarııalady, dep habarlaıdy Qandastar.kz.
Gazet derekterine sáıkes, prezıdent Donald Tramp ákimshiliginiń Densaýlyq saqtaý mınıstrligi sheneýnikteri aldaǵy aptada CDC keńesshiler tobynyń aldynda ótetin otyrysta bul málimdemeni usynýdy kózdep otyr.
Alaıda keıbir ǵalymdar mundaı qadamǵa alańdaýshylyq bildirip, qoldanylǵan zertteý ádistemesiniń ashyq emestigin atap ótti.
Azyq-túlik jáne dári-dármek basqarmasynyń komıssary Martı Makarı atalǵan jaǵdaıdy tekserý úshin mamandar aýtopsııa nátıjelerin zerttep, balalardyń týystarynan suhbat alatynyn aıtty.
Buǵan qosa, bıyl 25 aqpanda Fox News AQSh Densaýlyq saqtaý mınıstri kishi Robert Kennedıdiń COVID-19 vakınasyn jasaý jobasyn toqtatqanyn habarlaǵan. Jobaǵa 10 myń adam qatysýy tıis klınıkalyq synaqtar bastalardan birneshe kún buryn ol buıryq shyǵarǵan edi.
