25 مىڭعا جۋىق تۇلەك پەداگوگ وقۋىن تاڭداعان – مينيسترلىك

فوتو: اشىق دەرەككوز

تالاپكەرلەردىڭ باسىم بولىگى قۇجاتتارىن الماتى, استانا جانە شىمكەنت قالاسىنداعى جوو-عا تاپسىرعان, — دەپ حابارلايدى Türkistan.kz

ءبىلىم بەرۋ گرانتتارىن تاعايىنداۋ كونكۋرسىنا 100 مىڭعا جۋىق ءوتىنىش كەلىپ ءتۇستى, دەپ حابارلايدى turkystan.kz قر عىلىم جانە جوعارى ءبىلىم مينيسترلىگىنىڭ ءباسپاسوز قىزمەتىنە سىلتەمە جاساپ.

تالاپكەرلەردىڭ باسىم بولىگى قۇجاتتارىن ءۇش رەسپۋبليكالىق ماڭىزى بار قالانىڭ جوعارى وقۋ ورىندارىنا تاپسىرىپ جاتىر: الماتى (38 مىڭ), استانا (20 مىڭ) جانە شىمكەنت (6 مىڭ).

تالاپكەرلەر اراسىندا ەڭ كوپ سۇرانىسقا يە ماماندىقتار – «پەداگوگيكالىق عىلىمدار» (25 مىڭ), «ينجەنەرلىك, وڭدەۋ جانە قۇرىلىس سالالارى» (16 مىڭ) جانە «اقپاراتتىق-كوممۋنيكاتسيالىق تەحنولوگيالار» (13 مىڭ).

ءبىلىم بەرۋ باعدارلامالارىنىڭ توبىنا كەلەتىن بولساق, ەڭ كوپ ءوتىنىش «اقپاراتتىق تەحنولوگيالار» — 11 مىڭ. ارى قاراي «دەنە شىنىقتىرۋ مۇعالىمدەرىن دايارلاۋ» — 5 مىڭ ءوتىنىش كەلىپ تۇسكەن. ءۇشىنشى ورىندا «شەت ءتىلى مۇعالىمدەرىن دايارلاۋ», ونى 4 مىڭ تالاپكەر تاڭداعان.