25 myńǵa jýyq túlek pedagog oqýyn tańdaǵan – Mınıstrlik

Foto: ashyq derekkóz

Talapkerlerdiń basym bóligi qujattaryn Almaty, Astana jáne Shymkent qalasyndaǵy JOO-ǵa tapsyrǵan, – dep habarlaıdy Türkistan.kz

Bilim berý granttaryn taǵaıyndaý konkýrsyna 100 myńǵa jýyq ótinish kelip tústi, dep habarlaıdy turkystan.kz QR Ǵylym jáne joǵary bilim mınıstrliginiń baspasóz qyzmetine silteme jasap.

Talapkerlerdiń basym bóligi qujattaryn úsh respýblıkalyq mańyzy bar qalanyń joǵary oqý oryndaryna tapsyryp jatyr: Almaty (38 myń), Astana (20 myń) jáne Shymkent (6 myń).

Talapkerler arasynda eń kóp suranysqa ıe mamandyqtar – «Pedagogıkalyq ǵylymdar» (25 myń), «Injenerlik, óńdeý jáne qurylys salalary» (16 myń) jáne «Aqparattyq-kommýnıkaııalyq tehnologııalar» (13 myń).

Bilim berý baǵdarlamalarynyń tobyna keletin bolsaq, eń kóp ótinish «Aqparattyq tehnologııalar» – 11 myń. Ary qaraı «Dene shynyqtyrý muǵalimderin daıarlaý» – 5 myń ótinish kelip túsken. Úshinshi orynda «Shet tili muǵalimderin daıarlaý», ony 4 myń talapker tańdaǵan.