25 myńnan astam qazaqstandyqtyń jalaqysy ósedi

Sý resýrstary jáne ırrıgaııa mınıstrligi ázirlegen sý sharýashylyǵy qyzmetkerleriniń jalaqysyn energetıka salasy mamandarynyń deńgeıine deıin kóterýdi kózdeıtin «Tabıǵı monopolııalar týraly» zańǵa engizilgen túzetýler kúshine endi, dep habarlaıdy Qandastar.kz

Qazir Sý resýrstary jáne ırrıgaııa mınıstrligi men Ulttyq ekonomıka mınıstrligi osy zańdy iske asyrýǵa baǵyttalǵan normatıvtik-quqyqtyq aktilerdi tirkeý jumystaryn júrgizip jatyr. Aıta keteıik, sý sharýashylyǵy qyzmetkerleriniń jalaqysy bıyl qyrkúıekten bastap artady.

Jalpy, el boıynsha sýmen jabdyqtaý jáne sý burý qyzmetterin kórsetetin 25 myńnan astam qyzmetkerdiń jalaqysy ósedi. Aımaqtarǵa baılanysty jáne resmı statıstıkalyq málimetterge sáıkes, eńbekaqy orta eseppen 35-50%-ǵa kóbeıedi.

Bul túzetýlerdi ázirleý byltyr bastalǵan bolatyn. Bıyl maýsym aıynda zań jobasyna Memleket basshysy qol qoıdy.

«Mınıstrlik sý sharýashylyǵy salasy mamandarynyń mártebesin kóterý men eńbek jaǵdaıyn jaqsartýǵa erekshe mán beredi. Mysaly, bıyl «Qazsýshardyń» barlyq 425 maýsymdyq jumysshysy turaqty jumyspen qamtyldy. Sondaı-aq sý mamandarynyń biliktiligin arttyrý boıynsha aýqymdy jumys júrgizilip jatyr, onyń ishinde shetelderde de oqytý qarastyrylǵan. Qabyldanǵan barlyq shara respýblıkadaǵy sý qaýipsizdigin qamtamasyz etýde eńbek etip júrgen azamattardyń mártebesin kóterýde eleýli progreske qol jetkizýge múmkindik berdi», – dedi Sý resýrstary jáne ırrıgaııa mınıstri Nurjan Nurjigitov.

Sý salasy mamandarynyń jalaqysyn arttyrý sharalary byltyr da júzege asqan bolatyn. 2024 jyly «Qazsýshar» RMK qyzmetkerleriniń eńbekaqysy 25 paıyzǵa kóbeıtildi.