25 JASQA TOLMAǴAN AZAMATTARǴA QUMAR OIYN OINAÝǴA TYIYM SALYNDY

Al elimizde 25 jasqa tolmaǵan azamattarǵa qumar oıyn oınaýǵa endi zańmen tyıym salynady. Onlaın kazıno uıymdastyrǵandardyń múlki tárkilenedi.

Tipti 7 jarym mln teńgege jýyq aıypul tóleıdi, nemese 2 jyl bas bostandyǵynan aıyrylýy múmkin. О́telmegen boryshy bar azamattardyń oıynǵa qatysýyna jol berilmeıdi, al talapty buzǵan býkmekerlik keńseler jazaǵa tartylady. Búgin májilis oıyn bıznesi men lotereıalar týraly zań jobasyn birinshi oqylymda maquldady. Endi, ótelmegen nesıelik qaryzy barlar, alıment tólemegender bás tige almaıdy.

Oıyn bıznesiniń kóshe, ǵımarattardaǵy syrtqy jarnamasyna tyıym salynady. Internet keńistiginde, tele-, radıoarnalarda qumar oıyn nasıhaty toqtatylady. Blogerler men áleýmettik jelidegi tanymal tulǵalar oıyn túrlerin jarnamalasa, aıyppul arqalaıdy.  Elnur Beısenbaev, QR Parlamenti Májilisiniń depýtaty: – Tıktok oıyndarynda karta uıymdastryp otyrǵan, ózderiniń jeke banktik shottaryna telefon arqyly tólemderdi alyp jatqan árbir azamat zań aıasynda jaýap beredi. Olardyń qyzmeti zańsyz.

Olardyń barlyǵynyń qyzmetin toqtatý mindetimiz. Kez kelgen oıyn túrin qumar oıyndaryn uıymdastyrý lıenzııalanbaǵan oıyn túrleriniń barlyǵy Qazaqstanda zańsyz. Olarǵa qazir qylmystyq kodekste arnaıy bap qarastyrylǵan. qomaqty aıyppuldarmen eki jylǵa deıin bas bostandyǵyn shekteý merzimi qarastyrylǵan. О́kinishtisi, elde árbir besinshi adam qumar oıynǵa shyrmalǵan. Bul keıingi 2 jarym jylda beleń alǵan kesel. Ajyrasýlardyń 40%-y lýdomanııanyń kesirinen bolyp otyr. О́z-ózine qol jumsaǵan 3 jarym myńnan astam adamnyń árbir besinshisi lýdomanııanyń zardabynan sondaı qadamǵa barǵan. Tipti áskerıler arasynda oıynqumarlyq beleń aldy. Depýtattar máseleniń arǵy jaǵynda múddeli toptar, ıaǵnı, lobbısterdiń baryn jasyrmady. Sondaı-aq kóleńkeli ekonomıkanyń kúsheıýine áseri bar.

Beıresmı aqparat boıynsha, býkmekerlik keńselerdiń jyldyq aınalymy 1 trıllıon teńgege jetken.  Edil Jańbyrshın, QR Parlamenti Májilisiniń depýtaty: – Taǵy bir mańyzdy másele – oıyn bıznesine qatysýǵa mem qyzmetshiler men quqyq qorǵaý organdarynyń qyzmetkerlerine zańmen tyıym salý kerek. lýdomandardyń ol salalarda qyzmet etýi memlekettiń qaýipsizdigine nuqsan keltiredi. Oıyn bıznesi adam bıznes emes. Aqıqatynda biz saldarymen emes, sebebimen kúresýimiz kerek. Bolashaqta oıyn bıznesine zańmen tolyqtaı tyıym salǵan jón. Eń bastysy, óskeleń urpaqty lýdomanııa dertinen saqtaý úshin olardyń rýhanı tárbıesimen jan-jaqty aınalysý óte mańyzdy dep esepteımin. Búginde 400 myń adam qumar oıynǵa salynyp, kazınolardyń turaqty klıentine aınalyp otyr. Lýdomandardyń qatarynda kámeletke tolmaǵan 200 myńnan astam jasóspirim bar. Jańa zań kúshine engen soń, el aýmaǵynda zańsyz lotereıa termınaldaryn ornatýǵa qatań shekteý qoıylady. Oıynqumarlar 1 jyl boıy konsýltatıvtik baqylaýda bolady. Jaǵdaı túzelmese, dıspanserlik esepke alynyp, emdik shara qoldanylady.