«250 myń teńgege bılet satyp aldady»: Astanada 5 sáýirde ótýi tıis kásipqoı boks keshi bastalmaı jatyp daýǵa ulasty

Astanada 5 sáýirde ótýi tıis kásipqoı boks keshi bastalmaı jatyp daýǵa ulasty. Tanymal promoýterlik kompanııa kórermenderdi aldaǵan. Kórermender jarnamasy jer jarǵan soń qymbat bıletterdi satyp alǵan. Alaıda,  boks keshi jaqyndaǵanda ataqty sportshylardyń sharshy alańǵa shyqpaıtyny belgili boldy, dep habarlaıdy qandastar.kz Skifnews.kz-ke silteme jasap.

«Balaýsa Muzdyman amerıkalyq azýly boksshy Rozalında Rodrıgespen (14-0, 3 KO) judyryqtasýy tıis bolǵan. Alaıda, onyń ornyna óz eliniń shekarasynan shyǵyp kórmegen bir fılıppındik qyz keletin bolypty. Balaýsa ondaı boksshylardyń altaýyn uryp qulatqan buǵan deıin.

Sondaı-aq, Mahmud Sabyrhannyń da qarsylasy kelmeıtin bolypty. Oǵan áli qarsylas tabylmaǵan. Erteń Taıılandtan nemese taǵy sol Fılıppınnen plıaj tazalap júrgen bireýdi ákele salady-aý dep boljap otyrmyn.

Dál osy qarqynmen kete berse 5 sáýir jaqyndaǵanda Jánibektiń qarsylasy da kelmeı qala ma dep alańdap otyrmyn.

Kásibı boks keshi emes, naǵyz qazaqı bıznes boldy bul da. Nomad Promotions degen kompanııa eken uıymdastyryp jatqan. 250 myń teńgelik bıletter satyp, jankúıerlerdi osylaı aldap ketti. Men Balaýsa men Rozalındanyń jekpe-jegin kútken edim», — dep jazdy jýrnalıst Serǵalı Balajan.