«259 ميلليون 616 مىڭ تەڭگە»: دينارا ءساتجاننىڭ ءبىر كۇندىك وبرازى ەل تالقىسىنا ءتۇستى

بەلگىلى جۋرناليست, پروديۋسەر, كاسىپكەر دينارا ءساتجاننىڭ ءبىر كۇندىك وبرازىن كوپشىلىك قىزۋ تالقىلاپ جاتىر. بۇل تۋرالى Stan.kz اقپارات اگەنتتىگى حابارلايدى.

جانسايا ماحاباەۆا ەسىمدى بلوگەر وتاندىق مەديا وكىلىنىڭ برەندتەرىنىڭ باعاسىن ءبىلدى.

“دينارا ءساتجاننىڭ مىنا وبرازى قانشا تۇرادى دەپ ويلايسىز?
ادەتتەگىدەي, كيىمنەن باستايىق, مىنا كومبينەزون Acne Studios برەندىنەن, باعاسى – 700 مىڭ تەڭگە.
كۇرتەشەسi Maison Margela برەندىنەن, باعاسى – 228 مىڭ تەڭگە.
ال كوزىلدىرىگى Saint Laurent Eyewear, باعاسى  – 263 مىڭ تەڭگە.
بەلدىگى The Row برەندىنەن, باعاسى – 275 مىڭ تەڭگە.
قولعابى Fendi برەندىنەن, باعاسى – 350 مىڭ تەڭگە”, – دەپ جازدى بلوگەر.

سونداي-اق اشەكەي بۇيىمدارىنداعى بىر القانىڭ باعاسى 100 ميلليون تەڭگەگە جەتەتىنىن جاسىرمادى.

“ال ەندى ەڭ قىزىق جەرى – اشەكەيلەردىڭ باعاسىنا كوشەيىك. ساعاتى Bulgari برەندىنىڭ Serpenti توپتاماسىنان, تولىق گاۋھار تاستارمەن اپتالعان, باعاسى – 70 ميلليون تەڭگە. القاسى دا وسى توپتامادان, باعاسى – 95 ميلليون تەڭگە.
بىلەزىكتەرى دە وسى توپتامادان, ءبىرىنشىسى – 57 ميلليون تەڭگە, ال ەكىنشىسى – 21 ميلليون تەڭگە.
ساقينانىڭ باعاسى – 9 ميلليون 500 مىڭ تەڭگە, ەكىنشىسى – 5 ميلليون 300 مىڭ تەڭگە.
سونىمەن بارلىعى – 259 ميلليون 616 مىڭ تەڭگە», – دەدى بلوگەر.

جەلى قولدانۋشىلارى ءتۇرلى پىكىر ءبىلدىرىپ, ءجۋرناليستىڭ وبرازىن تالقىلاپ جاتىر.

“مەنىڭ ءتىلىم كەلمەيتىن ميلليوندار ەكەن”, “كىشكەنتاي زاتقا 70 ميلليون تەڭگە تولەپ قالاي الا سالادى?”, “وسىلاردىڭ ايلىعى قالاي جەتەدى?”, “*ۇستىندە قانشاما ادامنىڭ باسپاناسى جۇر”, “فوتوسەسسيا ءۇشىن جالعا العان بولۋى دا مۇمكىن”, – دەپ جازىپ جاتىر وقىرمان قاۋىم.

ەسكە سالايىق, دينارا ءساتجان تاريحقا قاتىستى وتباسىنداعى قۇپيانى بولىسكەن ەدى.