Jańalyqtar
Qazaqstanda kıikter neden qyrylyp jatyr?
Foto: Úkimet
Ekologııa mınıstri óńirlerde kıikterdiń neden qyrylyp jatqanyn aıtty, dep jazdy qandastar.kz
Erlan Nysanbaevtyń sózinshe, janýarlardyń ólimine eshqandaı aýrý áser etken joq.
«Kıiktiń ómir súrý uzaqtyǵy 4-5 jyl. Eń kóp degende 8-10 jyl ómir súredi. Aýrý jáne aqsaq-toqsaq kıikter qystan shyǵa almaıdy. Batys Qazaqstan, Aqtóbe, Atyraý, Qostanaı, Ulytaý, Qaraǵandy oblystarynda tabylǵan ólekselerediń sany 21 400 bas boldy. Eń kóbi Ulytaý oblysynda anyqtalyp otyr — 15 myń bas. Veterınarlyq qyzmet taldaý júrgizdi. Eshqandaı qaýipti aýrý anyqtalǵan joq. Bıyl nege kıikterdiń qyrylǵany kózge kórine bastady? О́ıtkeni bıyl sany kóp. Tabıǵı qubylys jyl saıyn kıik analyqtary 10% deıin qyrylyp, qystan shyqpaıdy. Jeltoqsan aıynda kúılegen erkek kıikter de óledi», – dedi mınıstr.
Mınıstrdiń sózinshe, Qazaqstanda 4 mln bas kıik bar. Bul óte kóp. Olardyń sanyn retteý úshin mamyrdyń ortasynda ǵalymdar óz usynystaryn joldaýy tıis dedi Nysanbaev.
