جاڭالىقتار
27 جاسىندا ميللياردەر اتانعان: بلوگەر رەكوردتار كىتابىنا ەندى
YouTube بلوگەرى MrBeast (شىن اتى-ءجونى – دجيممي دونالدسون) 27 جاسىندا 1 ميلليارد دوللارلىق بايلىققا قول جەتكىزىپ, تاريحتاعى 30 جاسقا تولماي تۇرىپ ءوز كۇشىمەن ميللياردەر اتانعان العاشقى ادام اتاندى, دەپ حابارلايدى Qandastar.kz اقپاراتتىق سايتى dexerto.com-عا سىلتەمە جاساپ.
بۇل بايلىق وعان مۇرا بوپ قالعان جوق. بارلىعى – تەك YouTube-تەگى ارناسى, اۆتورلىق كونتەنت, جانە جەكە بيزنەس جوبالارىنان تۇسكەن تابىس.
ساراپشىلاردىڭ ايتۋىنشا, MrBeast اي سايىن شامامەن 50 ميلليون دوللار تابىس تابادى. الايدا ول بۇل قاراجاتتى جەكە ومىرىنە جۇمسامايدى, تابىسىنىڭ باسىم بولىگى كەرى ينۆەستيتسيا رەتىندە ۆيدەولار تۇسىرۋگە, قايىرىمدىلىق جوبالارىنا, جانە جاڭا بيزنەس باستامالارعا باعىتتالادى.
YouTube پلاتفورماسىنداعى ەڭ ءىرى جانە ىقپالدى كونتەنت جاساۋشىلاردىڭ ءبىرى رەتىندە MrBeast تسيفرلىق ءداۋىردىڭ جاڭا ەكونوميكاسىن قالىپتاستىرىپ وتىر. ونىڭ جەتىستىگى تەك كوڭىل كوتەرۋ ەمەس, ۇلكەن تابىستىڭ دا قۇرالىنا اينالعان ساپالى كونتەنتتىڭ دالەلى.
