Májilis depýtaty Janarbek Áshimjanov, búgingi jalpy otyrysta, ChatGPT jasandy ıntellektine áriptesi Erlan Saırov týraly óleń shyǵarýdy tapsyrǵanyn aıtty, dep habarlaıdy qandastar.kz aqparattyq portaly.

Bul májilistiń “Jasandy ıntellekt týraly” zań jobasyn birinshi oqylymda talqylaý barysynda aıtyldy.

Depýtat óziniń tájirıbesimen bólisip, ChatGPT-ge tapsyrma berip, Saırov týraly óleń shyǵaryp alý áreketin tanystyrdy. Áshimjanovtyń aıtýynsha, ol jasandy ıntellektke suranys jiberip, oǵan “Erlan Saırov týraly óleń kerek. Ol depýtat, saıasatker. Shyǵys Qazaqstannyń týmasy. Olıgarhtarmen aıaýsyz kúresip jatyr” degen tapsyrma bergen. Al jasandy ıntellekt bes shýmaq óleń shyǵaryp berdi.

«Men óleńniń bir shýmaǵyn oqyp bereıin. Qazir áleýmettik jelide osyndaı qaptap jatyr. Jasandy ıntellekt týyndylaryna eshqandaı avtorlyq quqyq ıesi joq», – dedi depýtat.

Áshimjanov bul jaǵdaıdyń avtorlyq quqyq máselelerine de qatysty ekendigin atap ótti. Sonymen birge, ol jasandy ıntellekt týyndylarynyń shyǵarmashylyq tulǵalarǵa, aqyndarǵa, jazýshylarǵa, dramatýrgterge áser etýi múmkin ekenin de eskertti. Depýtat tehnologııalyq jáne ınfraqurylymdyq turǵydan qajet ekendigine nazar aýdarǵanymen, shyǵarmashylyq salalardaǵy yqpaly týraly oılaryn bólisti.