3-15 mln teńgege deıin: Astanadaǵy jekemenshik mektepterde oqý quny qansha?

Qalada qansha jekemenshik mektep bar

Astanada jalpy bilim beretin 180-ge jýyq mektep bolsa, sonyń 71 – jekemenshik, jeteýi – respýblıkalyq mańyzy bar mektep. Jekemenshik mektepterde 40 myńnan astam oqýshy oqıdy.

Elordada jekemenshik mektepter keıingi 5 jylda jańbyrdan keıingi sańyraýqulaqsha kóbeıdi. Halyqaralyq mektepter fılıalyn ashyp, jeke ınvestorlar qarajatyn osy salaǵa salǵanda memleket «ket» degen joq – árdaıym balalary syımaı jatatyn mektep máselesin retteýdiń bir amaly dep qarastyrdy.

Ádette, jekemenshik mektepterde oqýshynyń kıim-keshegi, oqýlyqtary, tamaqtandyrýyna qaraı aqy ártúrli bolady.

Ulysmedia.kz portalyna Astana qalasynyń bilim basqarmasy jekemenshik mektepterdiń tizimin joldady.

Eń qymbat mektepter

Elordada oqý aqysy eń qymbat mekteptiń biri – QSI. Munda balany oqytý úshin aıyna shamamen 1 mln teńgeden artyq aqsha tóleý kerek. Balany bes jastan bastap qabyldaıtyn mektepte oqý quny jylyna – 28 200 AQSh dollar. Teńgemen eseptegende 13,5 mln. Byltyr oqý quny – 12 mln teńge bolǵan.

Astanadaǵy QSI halyqaralyq mektebi Quality Schools International uıymynyń quramynda ári oqýshyny joǵary oqý oryndaryna túsýge daıyndaıdy. 2005 jyldyń qyrkúıeginde qurylǵan QSI halyqaralyq mektebinde balalar tek aǵylshyn tilinde oqytylady. Oqý baǵdarlamasy amerıkalyq AP Capstone Diploma Program baǵdarlamasyna negizdelgen.

Haileybury Astana

Haileybury Astana halyqaralyq mektebinde daıyndyq synybynan bastap, 13-synypqa deıin bilim beriledi. Oqý ordasynyń balabaqshasy da bar. Máselen, balany 2 jas úsh aıdan bastap Haileybury 3,9 mln teńge alady. Daıarlyq synybyna 6,9 mln teńge tóleý kerek bolsa, 1-2 synyp úshin aqy 10 mln teńge, 3-6 synyp aralyǵy 11,8 mln teńge, 7-9 synyp aralyǵy 13,5 mln teńge, 10-13 synyp aralyǵyndaǵy balalar úshin 14,8 mln teńge tóleýge týra keledi.

Byltyr joǵary synyptaǵy balalar úshin oqý quny 13,3 mln teńge bolǵan. Iaǵnı, Haileybury baǵany bıyl kóterip jatyr.

Spectrum halyqaralyq mektebi

Bul mektepte jyldyq oqý quny mynadaı: 1-5 synyptar úshin – 7,2 mln teńge, dlıa 6-8 klassy – 7,59 mln teńge, 9-12 synyptar úshin 7,98 mln teńge. Byltyrǵa qaraǵanda bul mektepte jyldyq oqý quny shamamen 700 myń teńgege qymbattaǵan.

Mektep 2008 jyly «Nurorda» halyqaralyq mektebi ataýymen ashylǵan (2017 jyly ataýy ózgergen). 2011 jyly Kembrıdj halyqaralyq standartyna ıe bolǵan. 2014 jyldan bastap halyqaralyq mektep mártebesine ıe.

Ardingly Astana

Brıtanııanyń derbes oqý orny Ardingly College mektebiniń fılıaly – Ardingly Astana mektebi Kembrıdj oqý baǵdarlamasy boıynsha bilim beredi. Mektep saıtynda onyń túlekteri jyl saıyn Cambridge, Oxford, Aıvı Lıgasy ýnıversıtetterine túsetini jazylǵan. Bul mektepte oqý quny 9-10 mln teńge. Alaıda erterek tirkelip, aqysyn tólegenderge 10-20 paıyz aralyǵynda jeńildik beriledi.

Canadian halyqaralyq mektebi

Bul bilim ordasynda oqytýdyń jalpy jyldyq quny 5 775 000 teńge. Ony jyl boıy úsh bólip tóletedi. Birden tólegen ata-anaǵa 10 paıyzdyq jeńildik beriledi. Bul – Ulybrıtanııa men Qazaqstandaǵy kampýstary arqyly brıtan bilim berý júıesine bilim berýdi usynatyn táýelsiz mektep. Byltyrǵa qaraǵanda bul mektepte oqý quny 275000 teńgege qymbattaǵan.

Mektep 2008 jyly jumysyn bastaǵan.

Astana Garden school

Halyqaralyq baǵdarlama boıynsha oqytatyn Astana Garden mektebine balany áýeli tirkeý úshin 500 myń teńge alady. Balańyzdy 1-6 synyp aralyǵynda oqytý úshin bul mektepte 4,1 mln teńge, 7-8 synyp úshin 4,95 mln teńge, 9 synypta oqytý úshin 5,5 mln teńge, 10-11 synypta oqytý úshin 6,6 mln teńge tóleý kerek. Byltyrdan beri bul mektepte oqý quny qymbattaǵany baıqalmaıdy.

Astana Garden mektebi 0-den 6-synypqa deıingi balalardy úsh tilde oqytady. Joǵary synyptarda álemniń úzdik joǵary oqý oryndaryna jáne Nazarbaev Ýnıversıtetine túsirý úshin nátıjeli baǵdarly daıyndyq júrgizedi.

Miras halyqaralyq mektebi

Atalǵan mektepte oqý quny tómengi jáne joǵary synyptarǵa deıin 3,3 mln teńgeden bastap 6,7 mln teńgege deıin barady.

Halyqaralyq mekteptiń negizin Nursultan Nazarbaevtyń bilim qory qalaǵan. «Mıras» Astanada 1999 jyly qurylǵan. Mekemeniń qabyrǵalarynda bes jyldyq balalar mýzykalyq mektebi men Franýz mektebi jumys isteıdi.

Astana halyqaralyq mektebi

Bilim ordasy 2013 jyly ashylǵan. Sol jyly mektepte 4 synyp pen 10 muǵalim bolsa, qazir mektepte bilim alýshylardyń sany 1200-den asady. Qazaqstan azamattaryna oqý quny 2,7-4 mln teńge aralyǵynda bolsa, Qazaqstan azamattyǵy joq azamattardyń balalaryna oqý quny 4,2-6,2 mln teńge aralyǵynda.

Riviera School

Riviera International School-da oqý quny – 4 140 000 teńge. Resmı saıtynda byltyrdan beri turǵan bul soma ózgermepti.

RIS-tegi bilim berý proesi úsh tilde: qazaq, orys jáne aǵylshyn tilderinde júrgiziledi. Sonymen qatar, RIS-te oqýshylardyń kinshi shet tilderin úırenýge múmkindigi bar, bul olardyń Eýropa, Azııa jáne Amerıkanyń úzdik sheteldik ýnıversıtetterine túsý jáne básekege qabiletti bolý múmkindigin arttyrady.

Nurorda

Nurorda mektebinde 1-shi synypta balany oqytý úshin 4 370 000 teńge (+ 655 000 – kúnine úsh mezgil tamaqtaný), 2-3 synypta oqytý úshin 4 180 000 teńge, 4-shi synyp úshin 3 960 000 teńge, 5-shi synyp úshin 3 740 000 teńge, 6-shy synyp úshin 3 610 000 teńge, 7-11 synyptar úshin 3 960 000 teńge tóleý kerek. Kórsetilgen baǵaǵa oqý aqysy, mektep formasy, oqýlyqtar, úıirmeler kiredi.

Byltyrdan beri atalǵan bilim ordasynda oqý quny shamamen synyptaryna qaraı 100-200 myń teńgege qymbattaǵan.
Mektep 2007 jyly ashylǵan. «Bilim Orda» halyqaralyq qoryna qaraıdy.

New Generation mektebi

New Generation mektebi byltyrdan beri oqý qunyn 450 myń teńgege qymbattatqan. Ol mektepte balany oqytý úshin jylyna 4 245 000 teńge tóleý kerek. Alǵashqy tirkeý quny – 500 myń teńge.

New Generation mektebi resmı saıtynda oqýshyny kreatıvti oılap, jańa jobalar men baǵdarlamalardy ázirleýge baýlıtynyn jazady.

Tamos Space school

Tamos Space mektebinde synybyna qaraı oqý quny ártúrli. Alǵashqy tirkeýge mektep ákimshiligi 300 myń teńge alady. 1-4 synypqa (qazaq synyptaryna) deıin munda jyldyq oqý quny 3,07 mln teńge bolsa, orys tilindegi 1-7 synypqa deıingi oqýshylarǵa oqý quny 3,6 mln teńge. 8-10 synypqa deıin oqýshylarǵa 3,8 mln teńge. Bul baǵaǵa tamaqtaný, oqý materıaly (oqýlyqtar, jumys dápterleri jáne basqalar), oqýshynyń ózin-ózi damytýǵa arnalǵan ınteraktıvti platformalar jáne oqý proesiniń ózi kiredi.

Jekemenshik mekteptiń qandaı ereksheligi bar

Jekemenshik mektepterdiń memlekettik mektepterden artyqshylyǵyn bilý maqsatynda belgili sarapshy, ulttyq mektepter jobasynyń jetekshisi Aıatjan Ahmetjanǵa qońyraý shalǵanbyz. Ol ata-analar balalaryn oqytqanda birinshiden, sapaly bilim, ekinshiden qolaıly jaǵdaı úshin aqsha tóleıtinin aıtady.

– Shyny kerek, memlekettik mektepterde shartty jaǵdaı joqtyń qasy. Bir synypta 40 bala oqıdy, eki nemese úsh aýysymda oqý jalǵasa beredi. Zerthanalary suraq týǵyzady. Jekemenshik mektepterde bir synypta eń kóp degende – 20 bala. Sonymen qatar, qymbat mektepterde halyqaralyq standarttarǵa saı mektep baǵdarlamasynan tysqary ártúrli pán bar. Materıaldyq shart jaǵdaıy, zerthana, basseıninen bastap ártúrli sport úıirmelerine deıin qamtylǵan, – deıdi sarapshy.

Iri qalalarda memleket sýbsıdııasyna kún kórip otyrǵan jekemenshik mektepter de bar. Olar da oqýshylardy eki aýysymda oqytady. Aıatjan Ahmetjannyń sózinshe, jekemenshik mektepterdiń keıbirinde kúnine tórt ýaqyt tamaq beriledi. Máselen, memlekettik mekteptiń balasy jarty kún mektebinde júrse, tústen keıin basqa jerdegi úıirmelerge, qosymsha bilim berý uıymdaryna barady. Al jekemenshik mektepterde bári bir jerde qamtylǵan.

Áıtse de, memlekettiń mektepterge belgilep bergen standarty bar. Ony jekemenshik mektepter de oryndaýǵa mindetti. Al odan tys baǵdarlamany jekemenshik mektepter oqýshylarǵa usyna alady. Iaǵnı, memleket aptasyna “24 saǵat bala oqýy tıis” dep talap qoısa, mektepter sony oryndaıdy. 24 saǵattan tys ne oqytady – ózi biledi.

Jekemenshik mektepter – bıznes kózine aınalyp ketken joq pa

Bul suraqqa jaýap bergen Aıatjan Ahmetjan memlekettiń standartty talap etse, sonyń qadaǵalanýyn da memlekettik mektepteı baqylaýy tıis dep esepteıdi. Ekinshiden, ata-analardyń saýattylyǵy mańyzdy.

– Eger biz otandyq jekemenshik mektepterdi qoldaı almasaq, sheteldik jekemenshik mektepterdiń tabysyna jumys istep ketemiz. Mysaly, jylyna 15 mln teńge alatyn mektepte kemi 800 bala oqıdy. Al ol mekteptiń quryltaıshysy – basqa elde. Bul memlekettiń ekonomıkasynyń syrtqa shashylýy.

Ideologııa máselesi bar. Sheteldik mektepterdiń fılıaly bizdiń elde kópteý ári olar qymbattaý. Olar kóbinde aǵylshyn jáne orys tildi mektepter. Olardyń ıdeologııalyq máselesimen kim aınalysady degen suraq týady. Al qazaq tildi orta aqyly mektepti áli tolyq qabyldap úırengen joq. Moıyndaý kerek. Astanada jekemenshik 60-tan asa mekteptiń tek beseýi qazaqsha. Al 5-11 synyp arasynda taza qazaqsha oqytatyn bizdikinen (QAZBILIM) basqa taza qazaq mektebi joq. Sondyqtan, ıdeologııa – oılanatyn másele, – deıdi ol.

• Sarapshy jekemenshik mektepke lıenzııa beretin kezde olarǵa qazaq synybyn ashý jóninde talap qoıý kerektigin atap ótedi.