«3 bólmeli páter men 2 mln. 684  000 teńge aqshalaı tólem»: Jambyl oblysy Eldos Smetovke qandaı syı beretini belgili boldy

kollaj jambylinfo.kz.

Parıj tórinde top jarǵan jampozǵa jergilikti bılik baspana syılap, aı saıynǵy aqshalaı jabdyqtalym tólemderin tóleıdi.

Olımpıada chempıony atanǵan Eldos Smetovke Jambyl oblysy tarapynan Taraz qalasynan 3 bólmeli páterdiń kilti tabys etilip, kelesi Olımpıada oıyndaryna deıin 727 AEK kóleminde aı saıynǵy aqshalaı jabdyqtalym tólemderi tólenedi. (Bul shamamen 2 mln. 684 084 myń teńge), dep habarlaıdy Jambylinfo.kz.

Bul týraly oblystyq dene shynyqtyrý jáne sport basqarmasy basshysynyń orynbasary Nurjan Joldasbekov Jambylinfo.kz. tilshisine bergen suhbatynda aıtty.

«Olımpıada chempıonyna oblys tarapynan «Olımpıadalyq, Paralımpıadalyq jáne Sýrdlımpıadalyq oıyndardyń chempıondary men júldegerlerine turǵynjaı berý jáne ony paıdalaný qaǵıdalaryn bekitý týraly» Qazaqstan Respýblıkasy Mádenıet jáne sport mınıstriniń 2020 jylǵy 20 sáýirdegi № 97 buıryǵyna sáıkes 3 bólmeli páter beriledi. Sonymen qatar, 2017 jylǵy 27 qarashasyndaǵy Jambyl oblysy ákimdiginiń №262 qaýlysyna sáıkes Olımpıada oıyndaryna deıin 727 AEK kóleminde aı saıynǵy aqshalaı jabdyqtalym tólemderi tólenedi», – dedi ol.

Eske salaıyq, HHHlll jazǵy Olımpıada oıyndarynda QR eńbek sińirgen sport sheberi, jambyldyq Eldos Smetov jeńiske jetip, chempıon atandy. Jerlesimiz tórtjyldyqtyń basty dodasynda 3 márte júlde alyp, el tarıhynda dzıýdodan Olımpıadanyń tuńǵysh chempıony atanyp otyr.