3 mln beriledi: «Úzdik pedagog» baıqaýy jarııalandy

Foto: Oqý-aǵartý mınıstrligi

Baıqaýǵa mektepke deıingi, orta, tehnıkalyq jáne kásiptik bilim berý uıymdarynyń shtattaǵy pedagogteri qatysa alady, – dep habarlaıdy qandastar.kz Oqý-aǵartý mınıstrligine silteme jasap.

Bilim kúni qarsańynda elimizde «Úzdik pedagog» baıqaýy bastaldy. Jeńimpazdarǵa 3 mln. 692 myń teńge kóleminde syıaqy beriledi.

Baıqaýǵa mektepke deıingi, orta, tehnıkalyq jáne kásiptik bilim berý uıymdarynyń shtattaǵy pedagogteri qatysa alady.

Konkýrs úsh kezeńnen turady:

• kezeń – aýdandyq, qalalyq deńgeı (8-21 tamyz);
• kezeń – oblystyq deńgeı (22 tamyz- 10 qyrkúıek);
• kezeń – respýblıkalyq deńgeı (11 qyrkúıek – 18 qazan).

Eki kezeńniń qorytyndysy boıynsha eń joǵary upaı jınaǵan pedagogter respýblıkalyq deńgeıge ótedi. Baıqaýǵa qatysýǵa ótinimderdi qabyldaý, tirkeý, konkýrs qujattaryn tapsyrý, baǵalaý uzdikustaz-nobd.edu.kz  veb-portalynda júzege asyrylady.

«Úzdik pedagog» Respýblıkalyq konkýrsy 2012 jyldan beri ótkizilip kele jatqan dástúrli baıqaý. Sondyqtan mańyzy zor. Osy ýaqytqa deıin  700-ge jýyq júzden júırik, myńnan tulpar atanǵan myqtylar anyqtaldy.«Úzdik pedagog» ataǵyna bilim berý uıymdarynda jumys isteıtin jáne qujattardy tapsyrý kezinde keminde bes jyl úzdiksiz pedagogıkalyq ótili bar pedagogter úmitker bola alady. Bul – balabaqsha, mektep, kolledj muǵalimderi. Baıqaý aıasynda muǵalimniń bilim salasyn damytýǵa qosqan úlesi, ustaz qyzmetiniń tıimdiligi men onyń kásibı sheberligi eskeriledi», — dedi QR Oqý-aǵartý mınıstrligi Orta bilim berý komıtetiniń tóraǵasy Qanybek Jumashev.

Aıta keteıik, «Úzdik pedagog» ataǵynyń ıegerlerine 1000 AEK kólemindegi aqshalaı syıaqy ǵana emes, tósbelgiler de beriledi. Baıqaý erejeleri týraly qosymsha aqparat Oqý-aǵartý mınıstrliginiń saıtynda bar.