3 muǵalim qaza tapty: Qostanaıda jol apatyna sebepker bolǵan júrgizýshige sot úkimi shyqty

Qostanaı oblysynyń qylmystyq ister jónindegi mamandandyrylǵan aýdanaralyq sotynda 3 muǵalimniń ómirin qıǵan jol apatyna sebepker júrgizýshige qatysty qylmystyq is qaraldy, dep habarlaıdy Qandastar.kz aqparat portaly.

Sottyń málimetinshe, 2024 jyldyń 16 jeltoqsanynda «Qostanaı-Áýlıekól-Surǵan» avtojolynda sottalýshy R. «VOLVO FH12» markaly avtokóligimen kele jatyp, qarsy qozǵalys jolaǵyna shyǵyp ketip, Qostanaı qalasy baǵytynda kele jatqan júrgizýshi S. basqarǵan «TOYOTA ALFARD» markaly avtokóligimen betpe-bet soqtyǵysqan. Jol-kólik oqıǵasy saldarynan «TOYOTA ALFARD» avtokóliginiń úsh jolaýshysy oqıǵa ornynda alǵan dene jaraqattarynan kóz jumdy. Al júrgizýshi S. jáne eki jolaýshy, onyń ishinde bireýi kámeletke tolmaǵan, túrli dene jaraqattaryn aldy.

Sot sottalýshynyń jeke basyn, jasalǵan is-árekettiń sıpatyn jáne qoǵamdyq qaýiptilik dárejesin, sondaı-aq is boıynsha barlyq mán-jaılardy eskere otyryp, R-ǵa jazasyn qylmystyq-atqarý júıesiniń qaýipsizdigi barynsha tómen mekemesinde óteýmen 5 jylǵa bas bostandyǵynan aıyrý jazasyn taǵaıyndady, sondaı-aq 7 jylǵa kólik quralyn basqarý quqyǵynan aıyryldy.

Úkim zańdy kúshine engen joq.