جاڭالىقتار
«30 جىلدا قاۋساپ قالعان». ساياسات نۇربەك عىلىم سالاسىنداعى وزگەرىستەر تۋرالى ايتتى
«وكىنىشكە وراي, جاعداي قيىن, پروبلەمالار جينالىپ قالعان. سوڭعى 30 جىلدا اسىرەسە عىلىم سالاسىندا جينالىپ قالعان پروبلەمالار وتە كوپ. بىراق مينيسترلىكتىڭ ناقتى سول پروبلەمالاردى شەشۋگە ۋاقىتى دا, زەيىنى دە, كادرى بار. ەڭ باستىسى پرەزيدەنتتىڭ قولداۋى, اسىرەسە قارجى تۇرعىسىنان بار. ءبىر عانا فاكتپەن باستايىن. قازاقستاندا وتاندىق عىلىم سوڭعى 30 جىلدا قاۋساپ, قارجىلاندىرۋدان تىس قالعان. سوندىقتان پرەزيدەنتتىڭ قولداۋىمەن كەلەسى 3 جىلداعى عىلىمي زەرتتەۋلەرگە, جوبالارعا, ىزدەنىستەرگە 643 ملرد تەڭگە ءبولىندى. بۇل 30 جىلدىڭ ىشىندە بولماعان جاعداي! ءبىز ءجىو 100-دەن 25%-عا جەتىپ وتىرمىز. الەمدىك, حالىقارالىق تاجىريبەدە عىلىمىڭىزدى ساقتاپ قالعىڭىز كەلسە 1%-عا جەتكىزۋ كەرەك. ءبىز ەكى جىل كولەمىندە وسى جەتىستىككە جەتتىك. ءالى دە بۇل ستاتيستيكانى ارتتىرۋعا ءۇمىت بار», — دەدى مينيستر.
مينيستر باعدارلاما بارىسىندا قازاقستاندىق عالىمداردىڭ جەتىستىكتەرىمەن دە ءبولىستى.
«ونكولوگيالىق پرەپاراتىمىز بولادى, قازاقستاندا جاسالعان. الماتىداعى ونكولوگيا جانە راديولوگيا عىلىمي-زەرتتەۋ ينستيتۋتىنداعى 15 ادامنىڭ ەڭبەگى بار. مۇنىڭ دا وزىندىك ساتىسى بار. 1-2 جىلدىڭ ىشىندە وزىمىزدە, قازاقستاندا جاسالعان پرەپاراتىمىز بولادى,» — دەدى ساياسات نۇربەك.
ءمينيستردىڭ مالىمەتىنشە, بيىلعى جىل قازاقستاندىق وقۋ ورىندارىنا قولايلى جىل بولعان. سەبەبى الەمدىك QS رەيتينگىنە قازاقستاندىق 21 جوو كىرگەن. ال Times higher education رەيتينگىندە 29 جوو بار ەكەن.
«باستى ماقساتىمىز ساننان ساپاعا قاراي كوشۋ. ءبىزدىڭ جوعارى وقۋ ورىندارىنداعى ۇستازدار, پروفەسسورلارىمىزدىڭ جالاقىسى دا وسەدى», — دەيدى مينيستر.
