«30 ميلليارد تەڭگە تابىس تاپپاق»: 10 كولىك ويناتىپ جاتقان بلوگەر جانابىلوۆتەردىڭ ۇتىس ويىنى تەكسەرىلەتىن بولدى

فوتو: Instagram stories ءجانابىلوۆ

قازاقستاندا تانىمال بلوگەر جانابىلوۆتەر وتباسى ۇيىمداستىرعان كولىك ۇتىسىنا قاتىستى داۋ شىقتى, دەپ جازدى qandastar.kz

بۇل ۇتىس ويىندارىنىڭ زاڭدىلىعىنا كۇمان كەلتىرگەن ازاماتتار قارجى مونيتورينگى اگەنتتىگىنە رەسمي تۇردە ءوتىنىش جولداعان. بۇل تۋرالى Stan.kzاقپارات اگەنتتىگى حابارلايدى.

قازاقستاندىق بلوگەر ەربولات ءجانابىلوۆ 19 تامىز كۇنى ءوز وقىرماندارى اراسىندا 10 كولىك ويناتاتىنىن حابارلادى. الايدا 22 تامىز كۇنى قارجى مونيتورينگى اگەنتتىگى ۇتىس ويىنى تەكسەرىلەتىنىن مالىمدەدى.

«ولارعا قاتىستى ماتەريالدار ءارى قاراي شەشىم قابىلداۋ ءۇشىن ۋاكىلەتتى مەملەكەتتىك ورگان تۋريزم جانە سپورت مينيسترلىگىنە قاراستى, ويىن بيزنەسىن جانە لوتەرەيانى رەتتەۋ كوميتەتىنە جولداندى», – دەلىنگەن حابارلامادا.

ال مەديا ماماندارى مەن بەلسەندىلەر ۋاكىلەتتى ورگانداردى بلوگەردى تەكسەرۋگە شاقىردى. ولاردىڭ ءبىرى قارجى ساراپشىسى ايبار ولجاي. ونىڭ ايتۋىنشا, جانابىلوۆتەر ۇيىمداستىرعان ۇتىس «لوتەرەيالار جانە لوتەرەيا قىزمەتى تۋرالى» زاڭ تالاپتارىنا ساي كەلمەيدى.

«لوتەرەيا جانە لوتەرەيا قىزمەتى تۋرالى» زاڭنىڭ 5-بابىنا سايكەس, قازاقستاندا ۇتىس ويىنىن وتكىزۋگە تەك ۋاكىلەتتى وپەراتور (قازىرگى ء«ساتتى جۇلدىز») قۇقىلى. سونىمەن قاتار اگەنتتىك بلوگەرلەردى الاياقتىق ءۇشىن قوسىمشا تەكسەرەدى. دۇيسەنبى كۇنى مەملەكەتتىك كىرىستەر كوميتەتىنە حابارلاسامىن. مەنىڭشە, ولار دا بۇل بلوگەرگە قاتىستى بولەك دەرەك بار”, – دەپ جازدى ول Threads پاراقشاسىندا. 

ال جۋرناليست نازىمگۇل كۇمىسباەۆا بلوگەر ساتىپ جاتقان كۋرس باعاسى 30 مىڭ تەڭگە ەكەنىن, 1 ميلليون ادام ساتىپ السا 30 ميلليارد تەڭگە تابىس تاباتىنىن ايتتى.

«ۇتىپ العان Iphone 16-نى بەرمەي وتىر»: بلوگەر Aii پاراقشاسىندا ۇتىس ويناتامىن دەپ داۋعا قالدى

ەڭ ءىرى ۇتىس: لوتەرەيادان 289 ميلليون تەڭگە ۇتقان الماتىلىق ء«ساتتى جۇلدىزدىڭ» سيمۆولىنا اينالعان جۇلدىزدىڭ كوستيۋمىن كيىپ كەلدى

“بۇل كۋرستاردى 1 ميلليون ادام ساتىپ السا, بلوگەرلەر 30 ميلليارد تەڭگە تابادى. ولاردىڭ ۆيدەوسى 12 ميلليون قارالىم جيناعانىن ەسكەرسەك, بلوگەرلەر ودان دا كوپ تابىس تابۋى مۇمكىن. دەسە دە كوپتەگەن قاتىسۋشىلار مۇنىڭ الاياقتىق ەكەنىن ءتۇسىندى. حالىقتىڭ ويلانا باستاعانىنا قۋانامىن. بۇل «بارابان» سحەماسى وتە قاراپايىم. ولار قاتىسۋشىلارعا تەك 5 مىڭ تەڭگەدەن قايتارادى. وعان وقىرمان ريزا بولادى. الايدا بۇل كۋرس ءۇشىن 30 مىڭ تەڭگە تولەگەنىڭىزدى ۇمىتپاڭىز”, – دەپ جازدى ول.

سونداي-اق ءۇتىس ويىنىنا قاتىستى ماتەريالدار ءتيىستى كوميتەتكە جولدانعانىن مالىمدەدى.

«قارجى مونيتورينگى اگەنتتىگى جانابىلوۆتەردىڭ ۇتىس ويىنى بويىنشا ماتەريالدار تۋريزم مينيسترلىگىنىڭ «ويىن بيزنەسىن جانە لوتەرەيانى رەتتەۋ كوميتەتى» مەملەكەتتىك مەكەمەسىنە بەرىلگەنىن مالىمدەدى. ولاردىڭ ارەكەتى تەكسەرىلىپ, شەشىم قابىلدانادى. مەن بلوگەردى تەك Instagram ستوريزىنەن قارادىم. ال ول جەردە جانابىلوۆتەردىڭ قانداي كۋرس ساتىپ جاتقانى تۋرالى اقپارات ءالى ايتىلمادى», – دەپ جازدى ول Threads جەلىسىندە.

ايتا كەتەيىك, بۇعان دەيىن الماتىلىق قىز كوشەدە «قۇپيا جاشىك» ۇسىنعانداردىڭ ۇتىس ويىنىنا قاتىسىپ, سان سوعىپ قالعانى تۋرالى جازعان ەدىك.