«30 mıllıard teńge tabys tappaq»: 10 kólik oınatyp jatqan bloger Janábilovterdiń utys oıyny tekseriletin boldy

Foto: Instagram stories Janábilov

Qazaqstanda tanymal bloger Janábilovter otbasy uıymdastyrǵan kólik utysyna qatysty daý shyqty, dep jazdy qandastar.kz

Bul utys oıyndarynyń zańdylyǵyna kúmán keltirgen azamattar Qarjy monıtorıngi agenttigine resmı túrde ótinish joldaǵan. Bul týraly Stan.kzaqparat agenttigi habarlaıdy.

Qazaqstandyq bloger Erbolat Janábilov 19 tamyz kúni óz oqyrmandary arasynda 10 kólik oınatatynyn habarlady. Alaıda 22 tamyz kúni Qarjy monıtorıngi agenttigi utys oıyny tekseriletinin málimdedi.

«Olarǵa qatysty materıaldar ári qaraı sheshim qabyldaý úshin ýákiletti memlekettik organ Týrızm jáne sport mınıstrligine qarasty, Oıyn bıznesin jáne lotereıany retteý komıtetine joldandy», – delingen habarlamada.

Al medıa mamandary men belsendiler ýákiletti organdardy blogerdi tekserýge shaqyrdy. Olardyń biri qarjy sarapshysy Aıbar Oljaı. Onyń aıtýynsha, Janábilovter uıymdastyrǵan utys «Lotereıalar jáne lotereıa qyzmeti týraly» zań talaptaryna saı kelmeıdi.

«Lotereıa jáne lotereıa qyzmeti týraly» zańnyń 5-babyna sáıkes, Qazaqstanda utys oıynyn ótkizýge tek ýákiletti operator (qazirgi «Sátti Juldyz») quqyly. Sonymen qatar agenttik blogerlerdi alaıaqtyq úshin qosymsha tekseredi. Dúısenbi kúni Memlekettik kirister komıtetine habarlasamyn. Menińshe, olar da bul blogerge qatysty bólek derek bar”, – dep jazdy ol Threads paraqshasynda. 

Al jýrnalıst Nazymgúl Kúmisbaeva bloger satyp jatqan kýrs baǵasy 30 myń teńge ekenin, 1 mıllıon adam satyp alsa 30 mıllıard teńge tabys tabatynyn aıtty.

«Utyp alǵan Iphone 16-ny bermeı otyr»: Bloger Aii paraqshasynda utys oınatamyn dep daýǵa qaldy

Eń iri utys: Lotereıadan 289 mıllıon teńge utqan almatylyq «Sátti Juldyzdyń» sımvolyna aınalǵan juldyzdyń kostıýmin kıip keldi

“Bul kýrstardy 1 mıllıon adam satyp alsa, blogerler 30 mıllıard teńge tabady. Olardyń vıdeosy 12 mıllıon qaralym jınaǵanyn eskersek, blogerler odan da kóp tabys tabýy múmkin. Dese de kóptegen qatysýshylar munyń alaıaqtyq ekenin túsindi. Halyqtyń oılana bastaǵanyna qýanamyn. Bul «baraban» shemasy óte qarapaıym. Olar qatysýshylarǵa tek 5 myń teńgeden qaıtarady. Oǵan oqyrman rıza bolady. Alaıda bul kýrs úshin 30 myń teńge tólegenińizdi umytpańyz”, – dep jazdy ol.

Sondaı-aq útys oıynyna qatysty materıaldar tıisti komıtetke joldanǵanyn málimdedi.

«Qarjy monıtorıngi agenttigi Janábilovterdiń utys oıyny boıynsha materıaldar Týrızm mınıstrliginiń «Oıyn bıznesin jáne lotereıany retteý komıteti» memlekettik mekemesine berilgenin málimdedi. Olardyń áreketi tekserilip, sheshim qabyldanady. Men blogerdi tek Instagram storızinen qaradym. Al ol jerde Janábilovterdiń qandaı kýrs satyp jatqany týraly aqparat áli aıtylmady», – dep jazdy ol Threads jelisinde.

Aıta keteıik, buǵan deıin Almatylyq qyz kóshede «qupııa jáshik» usynǵandardyń utys oıynyna qatysyp, san soǵyp qalǵany týraly jazǵan edik.