«30 جىلدا 17 ءبىلىم ءمينيسترى اۋىسقان مەملەكەت جوق»: تانىمال اقىن ەلىمىزدەگى ءبىلىم سالاسىنا كوڭىلى تولمايتىنىن ايتتى

فوتو:

اقىن باقىت بەدەلحان دۋلات تاستەكەيگە بەرگەن سۇحباتىندا ەلىمىزدە ءداستۇرلى مەكتەپتەردى دامىتۋدى قولعا الۋ كەرەگىن ايتتى,  دەپ حابارلايدى Skifnews.kz اقپارات پورتالى Massaget.kz سايتىنا سىلتەمە جاساپ.

اقىن ەلىمىزدە ءداستۇرلى مەكتەپتەردى دامىتۋ كەرەگىن ايتتى.

مىسالى, 10 مىڭ بالانى ءداستۇرلى مەكتەپتە وقىتسا, زاماناۋي فورماتتا الەم عىلىمىن مەڭگەرە الاتىن جانە ءوز ۇلتىن ساقتاپ قالا الاتىنداي, نامىستانا الاتىنداي ۇرپاق تاربيەلەنسە, 10 مىڭ بالانىڭ ءوزى جەتەدى. سول 10 مىڭ بالا ءبىر ادامنىڭ اتقارىپ وتىرعان جۇمىسىن مىڭ ەسە جەڭىلدەتەدى. سول 10 مىڭ بالا الدىن دا, ارتىن دا وقىتىپ, كوپپەن الىپ كەتەدى. ءداستۇرلى مەكتەپتى دۇركىرەتۋ كەرەك, – دەيدى باقىت بەدەلحان.

اقىن ەلىمىزدەگى ءبىلىم سالاسىنا كوڭىلى تولمايتىنىن جەتكىزدى.

بىراق بىزدە بولماي جاتىر. جەر بەتىندە 30 جىلدا 17 ءبىلىم ءمينيسترى اۋىسقان بىردە-ءبىر مەملەكەت جوق. ءبىلىم جۇيەلى بولماي, قوعامنىڭ جۇيكەسى تازا بولمايدى. سوندىقتان دا ءبىلىم ماسەلەسىن بالاباقشا, باستاۋىشتان, مەكتەپتەن باستاۋ كەرەك. ودان كەيىنگىسىن الەمدىك دۇنيەگە تاستاۋ كەرەك. ودان كەيىن بالانىڭ ساناسى دا الىپ كەتە الادى, ءبىلىم-پاراساتى دا جەتەدى. ال ءبىز بالاباقشادان اعىلشىن ءتىلىن, ورىس ءتىلىن كىرگىزەمىز, باستاۋىشتا ءۇش ءتىلدى وقى دەيمىز. نە وقىپ جاتىرعانىن وزدەرى بىلمەيدى. مەن «5»-كە وقىعان اداممىن, بىراق باستاۋىشتىڭ ساباعىن تۇسىنبەيمىن, – دەيدى ول.