«30 jylda 17 bilim mınıstri aýysqan memleket joq»: Tanymal aqyn elimizdegi bilim salasyna kóńili tolmaıtynyn aıtty

Foto:

Aqyn Baqyt Bedelhan Dýlat Tastekeıge bergen suhbatynda elimizde dástúrli mektepterdi damytýdy qolǵa alý keregin aıtty,  dep habarlaıdy Skifnews.kz aqparat portaly Massaget.kz saıtyna silteme jasap.

Aqyn elimizde dástúrli mektepterdi damytý keregin aıtty.

Mysaly, 10 myń balany dástúrli mektepte oqytsa, zamanaýı formatta álem ǵylymyn meńgere alatyn jáne óz ultyn saqtap qala alatyndaı, namystana alatyndaı urpaq tárbıelense, 10 myń balanyń ózi jetedi. Sol 10 myń bala bir adamnyń atqaryp otyrǵan jumysyn myń ese jeńildetedi. Sol 10 myń bala aldyn da, artyn da oqytyp, kóppen alyp ketedi. Dástúrli mektepti dúrkiretý kerek, – deıdi Baqyt Bedelhan.

Aqyn elimizdegi bilim salasyna kóńili tolmaıtynyn jetkizdi.

Biraq bizde bolmaı jatyr. Jer betinde 30 jylda 17 bilim mınıstri aýysqan birde-bir memleket joq. Bilim júıeli bolmaı, qoǵamnyń júıkesi taza bolmaıdy. Sondyqtan da bilim máselesin balabaqsha, bastaýyshtan, mektepten bastaý kerek. Odan keıingisin álemdik dúnıege tastaý kerek. Odan keıin balanyń sanasy da alyp kete alady, bilim-parasaty da jetedi. Al biz balabaqshadan aǵylshyn tilin, orys tilin kirgizemiz, bastaýyshta úsh tildi oqy deımiz. Ne oqyp jatyrǵanyn ózderi bilmeıdi. Men «5»-ke oqyǵan adammyn, biraq bastaýyshtyń sabaǵyn túsinbeımin, – deıdi ol.