جاڭالىقتار
300-گە جۋىق: ماڭعىستاۋدا ولگەن يتبالىقتارىنىڭ سانى كۇننەن-كۇنگە ارتۋدا
فوتو: بالىق ينسپەكتسياسى
كاسپي جاعالاۋىنا شىعىپ قالعان ءولى يتبالىقتاردىڭ سانى ارتۋدا. 24-29 قازان ارالىعىندا گيدروبيولوگيا جانە ەكولوگيا ينستيتۋتى ماماندارىنىڭ ايتۋىنشا, باۋتينو ايماعىنداعى كاسپي تەڭىزىنىڭ جاعالاۋىندا جۇرگىزىلگەن مونيتورينگ كەزىندە 289 يتبالىقتىڭ ولەكسەسى تابىلعان, دەپ حابارلايدى Qandastar.kz.
ازامات سارسەنباەۆ ءولى يتبالىقتاردىڭ ىشىندە ارقانمەن تۇنشىقتىرۋدان, بالىق تورى سالعان دەنە جاراقاتىمەن زورلىقپەن ولتىرىلگەن يتبالىقتار دا بار ەكەنىن جازعان. بىراق سونداي بەلگىلەرى جوق, سەبەپتەرى بەلگىسىز كوپتەگەن يتبالىقتار دا بار كورىنەدى. ءتىپتى ۇرعاشىلارىنىڭ كوپشىلىگى قۇرساقتاعى تولدەرىمەن تابىلعان.
گيدروبيولوگيا جانە ەكولوگيا ينستيتۋتىنىڭ عىلىمي قىزمەتكەرى, يحتيولوگ اسەل بايمۇقانوۆا جاعدايدى تۇسىنۋگە قينالىپ جاتقانىن ايتتى. ول زەرتتەۋگە ەكولوگتار, حيميكتەر جانە تەحنولوگتار دا تارتىلۋى كەرەك دەپ سانايدى.
– ولار نەگە ءولدى? ازىرگە بىردەڭە دەۋ قيىن. سولتۇستىك كاسپيگە كەلگەنگە دەيىن ولار ساۋ بولدى, ويتكەنى ءتول دامىتا الدى, بىراق ودان كەيىن بىردەڭە بولىپ, ءولىپ قالادى, – دەپ جازدى ول.
