300-ge jýyq: Mańǵystaýda ólgen ıtbalyqtarynyń sany kúnnen-kúnge artýda

Foto: Balyq ınspekııasy

Kaspıı jaǵalaýyna shyǵyp qalǵan óli ıtbalyqtardyń sany artýda. 24-29 qazan aralyǵynda Gıdrobıologııa jáne ekologııa ınstıtýty mamandarynyń aıtýynsha, Baýtıno aımaǵyndaǵy Kaspıı teńiziniń jaǵalaýynda júrgizilgen monıtorıng kezinde 289 ıtbalyqtyń óleksesi tabylǵan, dep habarlaıdy Qandastar.kz.

Azamat Sársenbaev óli ıtbalyqtardyń ishinde arqanmen tunshyqtyrýdan, balyq tory salǵan dene jaraqatymen zorlyqpen óltirilgen ıtbalyqtar da bar ekenin jazǵan. Biraq sondaı belgileri joq, sebepteri belgisiz kóptegen ıtbalyqtar da bar kórinedi. Tipti urǵashylarynyń kópshiligi qursaqtaǵy tólderimen tabylǵan.

Gıdrobıologııa jáne ekologııa ınstıtýtynyń ǵylymı qyzmetkeri, ıhtıolog Ásel Baımuqanova jaǵdaıdy túsinýge qınalyp jatqanyn aıtty. Ol zertteýge ekologtar, hımıkter jáne tehnologtar da tartylýy kerek dep sanaıdy.

– Olar nege óldi? Ázirge birdeńe deý qıyn. Soltústik Kaspııge kelgenge deıin olar saý boldy, óıtkeni tól damyta aldy, biraq odan keıin birdeńe bolyp, ólip qalady, – dep jazdy ol.