«300 metrden asady»: Qazaqstan men О́zbekstan shekarasynda jasyryn jer asty joly tabyldy

О́zbekstan-Qazaqstan shekarasynda 310 metrlik jer asty kontrabandaǵa arnalǵan Jer asty joly anyqtaldy. Túnel arqyly sapasyna kepildigi joq dári-dármekter tasymaldanǵan,-dep habarlaıdy Qandastar.kz

Basylymnyń málimetinshe, Memlekettik kúzet qyzmetiniń qyzmetkerleri Shekara qyzmeti jáne «Tashkent-Aero» mamandandyrylǵan keden kesheniniń qyzmetkerlerimen birlesip, esirtki zattaryn zańsyz ákelýmen aınalysqan transshekaralyq qylmystyq toptyń áreketin áshkereledi.

Úndistannan Qazaqstan arqyly О́zbekstanǵa kepildigi joq dári-dármek jetkizilgen. «Delı – Tashkent – Almaty» reısi boıynsha dári-dármek partııasy jetkizilgeni, odan keıin ol týnnel arqyly Qazaqstannyń Túrkistan oblysynyń Saryaǵash aýdanynan Tashkent oblysynyń Tashkent aýdanyna jetkizilgeni anyqtalǵan. Tekserý qorytyndysy boıynsha tártip saqshylary qylmystyq top múshelerinen aıǵaq zat retinde Úndistanda óndirilgen Albýmın, Remdesıvır, Meropenem sııaqty 107 ataýdaǵy 17 048 esirtki preparatyn tárkiledi.

Uzyndyǵy 310 metrdi quraıtyn ashylǵan týnnelde jeldetý júıesi ornatylǵan, kontrabandashylar júk tasymaldaý úshin arbalardy paıdalanǵan. Atalǵan fakt boıynsha qylmystyq is qozǵalyp, kúdiktiler ýaqytsha ustaý ızolıatoryna qamaldy.

Naýryzda Qyrǵyzstan men О́zbekstan shekarasynda kontrabandashylardyń jerasty joly tabylǵanyn jazdyq. Ol taýarlar men adamdardy zańsyz ótkizý úshin paıdalanylǵan edi.