300 mıllıon teńge jymqyrylǵan: Atbasar sheneýnikteri sottaldy

Aqmola oblysynda sý tasqyny qaýpi bar aımaqta turatyn turǵyndardy kóshirýge bólingen 300 mıllıon teńgeden astam qarjyny jymqyrǵandar sottaldy, dep habarlaıdy Qandastar.kz aqparat portaly.

Bul týraly oblystyq prokýratýra málimdedi.

Is materıaldaryna súıensek, 2021 jyly úkimet rezervinen Atbasar aýdanynyń 200 otbasyn kóshirý úshin eki kópqabatty turǵyn úı salýǵa qarjy bólingen. Alaıda atalǵan jobany júzege asyrý kezinde qurylys bólimi basshylary men “Prestıj Stroı 7” jáne “Fýndamental” jaýapkershiligi shekteýli seriktestikteriniń ókilderi qylmystyq shema uıymdastyryp, qarajatty qoldy etken.

2024 jyldyń qarashasynda prokýratýra tergeýdi aıaqtap, isti sotqa joldaǵan. Nátıjesinde sot kúdiktilerdi kináli dep taýyp, olardyń birin – 8 jyl 6 aıǵa, ekinshisin – 7 jyl 6 aıǵa bas bostandyǵynan aıyrdy.

Sot úkimi Qylmystyq kodekstiń 180-babynyń 4-bóligi — «О́te iri kólemde urlaý» jáne 218-baby — «Qylmystyq jolmen alynǵan múlikti zańdastyrý» baptary boıynsha shyǵaryldy.

Aıta keteıik, sot úkimi áli zańdy kúshine engen joq.