جاڭالىقتار
300 مىڭ قازاقستاندىق باسپانا كەزەگىنەن شىعارىلۋى مۇمكىن
سۋرەت: pexels
2024 جىلدىڭ مامىر ايىنان باستاپ 17 مىڭعا جۋىق قازاقستاندىق باسپانا كەزەگىنەن شىعارىلدى, دەپ حابارلايدى Zakon.kz.
650 مىڭ قازاقستاندىق تۇرعىن ءۇي كەزەگىندە تۇر, ونىڭ 255 140 جۋىعى حالىقتىڭ الەۋمەتتىك جاعىنان وسال توپتارى. تۇرعىن ءۇي كەزەگىندە تۇرعانداردىڭ ءتىزىمىن جىل سايىنعى تۇگەندەۋ قازاقستاندا 300 مىڭعا جۋىق ادام تىزىمنەن شىعارىلۋى مۇمكىن ەكەنىن كورسەتتى. ياعني, تالاپقا ساي كەلمەيتىن, باسپاناسى بار نەمەسە زاڭ بويىنشا تۇرعىن ءۇي الۋعا ءوتىنىش بەرۋگە قۇقىعى جوق تۇلعالاردى ايتىپ وتىرمىز.
«تۇگەندەۋ» – بۇل جىلجىمايتىن م ۇلىك وبەكتىلەرىنىڭ ناقتى ورنالاسقان جەرىن, ولاردىڭ ماقساتىن, ولشەمىن, اۋدانىن, ناقتى پايدالانىلۋىن, قۇرامىن جانە تەحنيكالىق جاعدايىن انىقتاۋدى تەكسەرۋ جانە انىقتاۋ.
اعىمداعى جىلدىڭ 1 قاڭتارىنان بۇگىنگى كۇنگە دەيىن, اكىمدىكتەر جالپى سانى 32 931 ازاماتتى كەزەكتەن شىعارۋ تۋرالى قاۋلى قابىلدادى.
كەزەكتە تۇرعاندار اراسىنداعى ەڭ ۇلكەن سايكەسسىزدىكتەر كەلەسى سەبەپتەر بويىنشا انىقتالدى:
كەزەكتە تۇرعان ادامنىڭ جانە ونىڭ وتباسى مۇشەلەرىنىڭ تۇرعىن ءۇي جىلجىمايتىن مۇلكى بولسا;
كەزەكتە تۇرعان ادامنىڭ وتباسى مۇشەلەرى تۋرالى دەرەكتەردىڭ سايكەس كەلمەۋى;
الەۋمەتتىك جاعدايىنىڭ سايكەس كەلمەۋى (تولىق ەمەس وتباسى, 1 جانە 2 توپتاعى مۇگەدەكتەر جانە ت.ب.);
مەملەكەتتىك قىزمەتشى مارتەبەسىنىڭ سايكەس كەلمەۋى (اج-دە ekyzmet بولماۋى).
اعىمداعى جىلدىڭ مامىر ايىنان باستاپ مينيسترلىك kezekte.kz اقپاراتتىق جۇيەسىن ازىرلەۋشىلەرمەن بىرلەسىپ, سايكەسسىزدىكتەر انىقتالعان كەزەكتە تۇرعانداردى جەكە دەرەكتەرىن جاڭارتۋ قاجەتتىلىگى تۋرالى SMS حابارلاما ارقىلى حاباردار ەتۋ تۋرالى شەشىم قابىلدادى.
قابىلدانعان شارالاردىڭ ناتيجەسىندە ازاماتتار تۇرعىلىقتى جەرى بويىنشا اكىمدىكتەرگە مالىمەتتەردى جاڭارتۋ ءۇشىن بەلسەندى تۇردە كەلە باستادى. بۇگىنگى تاڭدا, 34 مىڭ ازاماتتى كەزەكتەن شىعارۋ تۋرالى شەشىم قابىلداندى. مامىر ايىنان بۇگىنگە دەيىن 17 000 ازامات كەزەكتەن شىعارىلدى.
