«300 myń teńge tóledim»: Nurbolat Abdýllınge birneshe qyzben vals bılegeni úshin aıyppul salyndy

Foto: ashyq derekkóz

Otandyq estrada juldyzy Nurbolat Abdýllın birneshe qyzben bılep, halyq synyna ushyrady. Bul týraly Stan.kz aqparat agenttigi habarlaıdy.

Túlekter keshinde óner kórsetip, bılegen ánshiniń qylyǵyn halyq jaqtyrmaı qaldy.

О́ner ıesi qyzdarmen alma-kezek vals bılegen vıdeosyn áleýmettik jelidegi paraqshasynda jarııalady. Ánshiniń jas qyzdarmen bılegenine adamdar ázil-shyny aralas túrli pikir bildirip jatyr.

«Sońǵy vıdeoǵa “shtraf” keldi. Áı, túlekter ǵoı desem túsinbeı jatyr. 300 myń teńge tóledim», – dep jazǵan ánshi túbirtektiń sýretin jarııalady.

Jeli qoldanýshylary túrli pikir bildirip, aıyppuldy áıeliniń kartasyna jibergenin jarysa jazyp jatyr.

«Tósek salyp qoıdym, bizdiń úıge qonyńyz”, “Qyzdarǵa qyzyq pa eken, ánshimen bılegen”, ”Búgin kólikte uıyqtaısyz-aý», «Abaılash, qursyn belden ustaǵan úshin 3 táýlik bolyp júrmesin», «Búgin bılep alyńyz, erteń keshirim surap turǵan vıdeo kútemiz», «Sultan Súleımen bop tursyz», “Basqaǵa emes, áıelińizge aıyppul tólegenińiz jaqsy bolǵan” dep jazdy oqyrman qaýym.

Aıta keteıik, «Sen qorqaqsyń» áni úshin 20 myń teńge aldym» degen aqyn Nurbolat Abdýllınge renishi baryn jasyrmaǵan edi.