الەم جاڭالىقتارىجاڭالىقتار
300 مىڭعا جۋىق ساياسي قۋعىن-سۇرگىن قۇربانى اقتالدى
فوتو: اشىق دەرەككوز
بۇل تۋرالى مەملەكەتتىك كەڭەسشى ەرلان قارين ايتتى, دەپ جازادى qandastar.kz
«مەملەكەتتىك كوميسسيا وتكەن جىلدىڭ جەلتوقسان ايىندا ءوز جۇمىسىن اياقتادى.
ناتيجەسىندە 600 مىڭ ءىس قۇپياسىزداندىرىلىپ, پرەزيدەنت ءارحيۆىنىڭ جانىنان قۇرىلعان حح ساياسي رەپرەسسيالاردىڭ ماتەريالدارىن زەرتتەۋ ورتالىعىنا تاپسىرىلدى. ءبىر ءىس كەم دەگەندە 50-60 تومنان تۇراتىنىن اتاپ ءوتۋ كەرەك. ءبىز ءبىر عاسىردا جينالعان ماتەريالداردى ءدال سول كولەمدە 3 جىل ىشىندە تاپسىردىق. قازىرگى تاڭدا ولاردى زالالسىزداندىرۋ جۇمىستارى جۇرگىزىلىپ جاتىر.
كوميسسيا جۇمىسىنىڭ ناتيجەسىندە 300 مىڭعا جۋىق ادام اقتالدى. ولار كەزىندە ءتۇرلى سەبەپپەن قۋدالانعان بولاتىن. ەسەپتەيتىن بولساق, جالپى سانى 2 ميلليون بولاتىن قۇجات جيناقتالدى»,—دەدى.
atamekenbusiness_qaz حابارلاعانداي, ساياسي قۋعىن-سۇرگىن قۇرباندارىن اقتاۋ جونىندەگى كوميسسيا جۇمىسىنىڭ ناتيجەسى رەتىندە “الاشوردا ءىسى” دەپ اتالاتىن 12 تومدىق جيناق جارىق كورەدى.
جالپى مەملەكەتتىك كوميسسيا قۇرامىندا 425 عالىم مەن زەرتتەۋشى, ونىڭ ىشىندە 260-تان اسا مامان ايماقتىق كوميسسيادا ەڭبەك ەتكەن.
