300 myńǵa jýyq saıası qýǵyn-súrgin qurbany aqtaldy

Foto: ashyq derekkóz

Bul týraly Memlekettik keńesshi Erlan Qarın aıtty, dep jazady qandastar.kz

«Memlekettik komıssııa ótken jyldyń jeltoqsan aıynda óz jumysyn aıaqtady.

Nátıjesinde 600 myń is qupııasyzdandyrylyp, Prezıdent arhıviniń janynan qurylǵan HH saıası repressııalardyń materıaldaryn zertteý ortalyǵyna tapsyryldy. Bir is kem degende 50-60 tomnan turatynyn atap ótý kerek. Biz bir ǵasyrda jınalǵan materıaldardy dál sol kólemde 3 jyl ishinde tapsyrdyq. Qazirgi tańda olardy zalalsyzdandyrý jumystary júrgizilip jatyr.

Komıssııa jumysynyń nátıjesinde 300 myńǵa jýyq adam aqtaldy. Olar kezinde túrli sebeppen qýdalanǵan bolatyn. Esepteıtin bolsaq, jalpy sany 2 mıllıon bolatyn qujat jınaqtaldy»,—dedi.

atamekenbusiness_qaz habarlaǵandaı, saıası qýǵyn-súrgin qurbandaryn aqtaý jónindegi komıssııa jumysynyń nátıjesi retinde “Alashorda isi” dep atalatyn 12 tomdyq jınaq jaryq kóredi.

Jalpy memlekettik komıssııa quramynda 425 ǵalym men zertteýshi, onyń ishinde 260-tan asa maman aımaqtyq komıssııada eńbek etken.